2021 թվականի հունիսի 8-ին տեղի ունցավ ՀՀ հաշվեքննիչ պալատի նախագահ Լևոն Յոլյանի և Շվեդիայի գլխավոր աուդիտոր, ազգային աուդիտի գրասենյակի ղեկավար Հելենա Լինդբերգի գլխավորած պատվիրակությունների առցանց հանդիպումը, որի ընթացքում կողմերը կնքեցին փոխըմբռնման հուշագիր, որով մեկնարկեց 2021-2023 թվականների երկկողմ համագործակցության ծրագիրը: Ծրագրի նպատակն է աջակցելու Հաշվեքննիչ պալատի ձգտումը դառնալու միջազգայինորեն ճանաչված սկզբունքներին և ստանդարտներին համապատասխան անկախ Բարձրագույն հաշվեքննիչ մարմին:
Հաշվեքննիչ պալատի նախագահ Լ. Յոլյանն իր խոսքում բարձր գնահատեց Շվեդիայի բարձրագույն աուդիտի մարմնի արժեքավոր նախաձեռնությունն՝ աջակցելու Պալատի ռազմավարական զարգացմանը: Լ. Յոլյանը հավաստիացրեց, որ Հաշվեքննիչ պալատը կգործադրի առավելագույն ջանքերը դառնալու ավելի ազդեցիկ ինստիտուտ, որը կգործի միջազգային ստանդարտներին և փորձին համահունչ:
Իր պատասխան խոսքում Շվեդիայի գլխավոր աուդիտոր Հելենա Լինդբերգը վերահաստատեց Շվեդիայի բարձրագույն աուդիտի մարմնի նախաձեռնությունը՝ համագործակցելու ՀՀ հաշվեքննիչ պալատի հետ զարգացման գործընթացի աջակցության միջոցով: Բանախոսն ընդգծեց նաև, որ համավարակը ստեղծել է նոր մարտահրավերներ երկրների հասարակության համար, և անկախ բարձրագույն աուդիտի մարմինների դերը կարևորվում է ավելի քան երբևէ:
Ծրագրի շրջանակներում շվեդական կողմը տեխնիկական աջակցությունը կտրամադրի բարելավելու Պալատի մասնագիտական և կազմակերպական կարողությունները: Ծրագիրը մեծ ուշադրություն է դարձնելու հատկապես կատարողականի աուդիտին՝ որպես մասնագիտական աուդիտի տեսակի, ինչպես նաև շահառուների հետ աշխատանքին ուղղված հաշվեքննության արդյունքների ազդեցության բարելավմանը:
Շվեդիայի ազգային աուդիտի գրասենյակը երկար տարիներ բարձրագույն աուդիտի մարմինների համար երկկողմ և տարածաշրջանային զարգացման ծարգրեր է իրականացնում, որոնց նպատակն է հզորացնելու զարգացող երկրների բարձրագույն աուդիտի մարմինները՝ միջազգային ստանդարտներին համահունչ աուդիտների իրականացման նպատակով:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.