2021թ. ապրիլի 14-ին, Չեխիայի Հանրապետության աուդիտի բարձրագույն գրասենյակի նախագահ Միլոսլավ Կալայի պաշտոնական հրավերով ՀՀ հաշվեքննիչ պալատի նախագահ Լևոն Յոլյանի գլխավորած պատվիրակությունը մասնակցեց Եվրոպայի աուդիտի բարձրագույն մարմինների միջազգային կազմակերպության (ԵՎՐՈՍԱԻ) 11-րդ համագումարին, որն առաջին անգամ, ԿՈՎԻԴ-19 համավարակով պայմանավորված, անցկացվեց նորարարական առցանց պլատֆորմի միջոցով:
Համագումարին մասնակցում էին ԵՎՐՈՍԱԻ թվով 50 լիիրավ անդամ երկրների աուդիտի բարձրագույն մարմինների պատվիրակներ, ինչպես նաև հրավիրյալ միջազգային կազմակերպություններից ներկայացուցիչներ:
ԵՎՐՈՍԱԻ 30 ամյակի կապակցությամբ համագումարն արձանագրեց կազմակերպության առաջիկա տեսլականը՝ 3E-3C-3I սկզբունքների ամրագրմամբ, որտեղ 3 E-ն՝ արդյունավետություն, օգտավետություն և տնտեսում, 3C-ն՝ հաղորդակցություն, համեմատություն, համագործակցություն, իսկ 3I-ն՝ տեղեկատվություն, նորարարություն և ինտերակտիվություն:
Համագումարի ընթացքում հաստատվեցին՝ կազմակերպության 2017-2024 թվականների ռազմավարական ծրագիրը, ԵՎՐՈՍԱԻ աշխատանքային և մասնագիտական խմբերի աշխատանքային ծրագրերը, ինչպես նաև կատարված աշխատանքների և ֆինանսական զեկույցները:
Համագումարի շրջանակներում ԵՎՐՈՍԱԻ նախագահությունը Թուրքիայից անցավ Չեխիայի Հանրապետությանը 2021-2024թթ. ժամանակահատվածի համար, ԵՎՐՈՍԱԻ կառավարման խորհրդի անդամներ ընտրվեցին՝ Միացյալ Թագավորությունը և Լիտվան վեց տարի ժամկետով, ինչպես նաև կազմակերպության աուդիտորների պաշտոններում վերընտրվեցին Բուլղարիայի և Խորվաթիայի աուդիտի բարձրագույն մարմինները:
2024 թվականին ԵՎՐՈՍԱԻ համագումարը կանցկացվի Իսրայելում, որտեղ եռամյա նախագահությունը կստանձնի Իսրայելի աուդիտի բարձրագույն մարմինը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.