2018թ. մարտի 26-30-ը ՀՀ վերահսկիչ պալատի պատվիրակությունը, Վերահսկիչ պալատի խորհրդի անդամ Արմեն Գևորգյանի գլխավորությամբ, մասնակցել է Հռոմում կայացած INTOSAI առանցքային ազգային ցուցանիշների ախատանքային խմբի 11-րդ նիստին, որին մասնակցում էին թվով 15 երկրների աուդիտի բարձրագույն մարմինների պատվիրակություններ, Գերմանիայի միջազգային համագործակցության ընկերության (GIZ), INTOSAI քարտուղարության և Իտալիայի բյուջետային գրասենյակի մի շարք ներկայացուցիչներ:
Աշխատանքային խմբի նիստի թեման էր` ՄԱԿ-ի կայուն զարգացման նպատակների 2030թ. օրակարգի իրագործմանն աջակցությունը` աուդիտի բարձրագույն մարմինների կողմից՝ առանցքային ազգային ցուցանիշների նկատմամբ կատարողականի աուդիտի միջոցով:
INTOSAI աշխատանքային խմբի նիստում Վերահսկիչ պալատի պատվիրակությունը հանդես եկավ վերահսկողությունից` հաշվեքննության անցման և կատարողականի աուդիտի շրջանակներում ռազմավարական աուդիտի իրականացման մարտահրավերների մասին զեկույցով:
Այցի ընթացքում ՀՀ վերահսկիչ պալատի պատվիրակությունը հանդիպում ունեցավ ՌԴ հաշվիչ պալատի պատվիրակության հետ: Կողմերը 2019թ. ՌԴ հաշվիչ պալատի կողմից INTOSAI նախագահության ստանձնման կապակցությամբ քննարկեցին Մոսկվայում կայանալիք INTOSAI առաջիկա համագումարին առնչվող մեթոդական և կազմակերպչական հարցեր:
Ծանոթություն.
INTOSAI առանցքային ազգային ցուցանիշների աշխատանքային խումբը ստեղծվել է 2007թ., Մեխիկոյում կայացած INTOSAI 19-րդ համագումարին: Ներկայումս աշխատանքային խմբի անդամ է 22 երկրի աուդիտի բարձրագույն մարմին: Աշխատանքային խումբը նախագահում է ՌԴ հաշվիչ պալատը:
2011թ. ՀՀ վերահսկիչ պալատն անդամակցում է աշխատանքային խմբին: GIZ-ը շարունակում է տեխնիկական աջակցություն տրամադրել ՀՀ վերահսկիչ պալատին` նման կարևոր միջազգային հարթակներում մասնակցության և փորձի փոխանակման նպատակով:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.