2018 թվականի հոկտեմբերի 30-ին ՀՀ հաշվեքննիչ պալատն արտահերթ նիստ է անցկացրել: Նիստի օրակարգում ներառված հարցերի կապակցությամբ Հաշվեքննիչ պալատը կայացրել է հետևյալ որոշումները.
- ՀՀ վերահսկիչ պալատի 2018 թվականի գործունեության տարեկան ծրագիրը լրացվեց նոր կետով՝ «ՀՀ արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացման պետական աջակցության դրամաշնորհային ծրագիր», և հաստատվեց կատարողականի հաշվեքննության առաջադրանք։ Նշված հաշվեքննությունն իրականացվելու է ոչ միայն «Հաշվեքննիչ պալատի մասին» ՀՀ օրենքի, այլև ISSAI ստանդարտների հիման վրա, ինչը բխում է ԵՄ բյուջետային աջակցության ֆինանսավորման համաձայնագրի պահանջներից։
- ՀՀ ԿԱ քաղաքացիական ավիացիայի գլխավոր վարչությունում իրականացվող հաշվեքննության շրջանակում հաստատվեց «Հայաէրոնավիգացիա» ՓԲԸ-ում ստուգման առաջադրանք։
- ՀՀ գյուղատնտեսության նախարարությունում իրականացվող հաշվեքննության շրջանակում հաստատվեց Գյուղատնտեսության զարգացման հիմնադրամում ստուգման առաջադրանք։
- ՀՀ աշխատանքի և սոցիալական հարցերի նախարարությունում իրականացվող հաշվեքննության շրջանակում հաստատվեցին Երևանի Մարի Իզմիրլյանի անվան մանկատուն ՊՈԱԿ-ում, Նորքի Տուն-Ինտերնատ ՊՈԱԿ-ում և Վանաձորի երեխաների խնամքի և պաշտպանության թիվ 1 գիշերօթիկ հաստատություն ՊՈԱԿ-ում ստուգման առաջադրանքներ։
- ՀՀ բնապահպանության նախարարության հաշվեքննության շրջանակում հաստատվեցին «Արգելոցապարկային համալիր» ՊՈԱԿ-ում, «Դիլիջան» ազգային պարկ» ՊՈԱԿ-ում, «Սևան» ազգային պարկ» ՊՈԱԿ-ում և «Բնապահպանական ծրագրերի իրականացման գրասենյակ» ՊՀ-ում ստուգման առաջադրանքներ:
- «Ջրառ» ՓԲԸ-ում ստուգման շրջանակներում դիտարկման և զննման ընթացակարգերի իրականացման ժամկետը երկարաձգվեց 12 աշխատանքային օրով։
- Կատարվեցին փոփոխություններ հաստատված որոշ առաջադրանքների՝ հաշվեքննություն և ստուգում իրականացնող պաշտոնատար անձանց կազմում։
Երեքշաբթի, Հոկտեմբեր 30, 2018
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.