Մայիսի 19-ին հաշվեքննիչ պալատի նախագահ Ատոմ Ջանջուղազյանի գլխավորությամբ տեղի է ունեցել Պալատի արտահերթ նիստը։
Մինչև օրակարգի հիմնական հարցերին անդրադառնալը՝ Պալատի նախագահը գործընկերներին ամփոփ տեղեկատվություն է ներկայացրել Ազգային Ժողովի պատգամավորների և աշխատակազմի ներկայացուցիչների հետ համատեղ Ավստրիա կատարած այցի վերաբերյալ, որի ընթացքում հետաքրքիր և ուսանելի հանդիպումներ են տեղի ունեցել Ավստրիայի խորհրդարանի, գործադիր իշխանության մարմինների և Հաշվեքննիչ դատարանի (աուդիտի դատարան) ներկայացուցիչների հետ։
Պալատի նախագահը ներկայացրել է նաև Ռուսաստանի Դաշնության Հաշվիչ պալատի պատվիրակության՝ Հայաստան կատարած ճանաչողական այցի ընթացքում համատեղ քննարկումների արդյունքում ձեռք բերված պայմանավորվածությունները և հետագա համագործակցության հնարավորությունները։ Ատոմ Ջանջուղազյանը նշել է, որ չնայած Ավստրիայի Աուդիտի դատարանի , ՌԴ հաշվիչ և ՀՀ հաշվեքննիչ պալատների միջև տարբերությունների՝ ներառյալ ձևավորման պատմությունների և իրավական մանդատների առանձնահատկությունները, այս գործընկեր կառույցներն առերեսվում են ակնհայտ նույնատիպ խնդիրների: Այս առումով, չնայած Հաշվեքննիչ պալատի՝ համեմատաբար երիտասարդ լինելուն, այն ունի առաջանցիկ զարգացման և ըստ այդմ՝ աուդիտի բարձրագույն ինստիտուտներին ներկայացվող արդի պահանջներին առավելագույնս համարժեք դառնալու իրական հնարավորություններ՝ գործընկեր կառույցների կուտակած փորձը հաշվի առնելու ճանապարհով։
Օրակարգի համաձայն՝ քննարկումների արդյունքում Պալատը հաստատել է Հաշվեքննիչ Պալատի 2021 թվականի գործունեության ծրագրի 2‑րդ մասում տեղ գտած ՀՀ տարածքային կառավարման և ենթակառուցվածքների նախարարությունում 2021 թվականի պետական բյուջեի տարեկան կատարման հաշվեքննության արդյունքների վերաբերյալ ընթացիկ եզրակացությունը։
Հաշվեքննիչ պալատի փաստաթղթաշրջանառությունը կանոնակարգելու նպատակով Պալատը լրացում է կատարել Հաշվեքննիչ պալատի կանոնակարգում, ինչպես նաև նպատակ ունենալով բարելավել և հետագայում՝ թվայնացնել որոշումների ու դրանց մշակումը հաշվառելու գործընթացը, հաստատել է Պալատի որոշման նախագծերին ներկայացվող պահանջներն ու դրանց նախաձեռնությունից մինչև որոշման վերածվելու ընթացակարգը։
Բացի այդ, ընթացիկ իրավիճակին համարժեք արձագանքելու և հաշվեքննիչ պալատի բնականոն գործունեությունը կազմակերպելու նպատակով Պալատի նիստում մի շարք փոփոխություններ և լրացումներ են կատարվել նախկինում ընդունված որոշումների մեջ։
Կարևորելով Հաշվեքննիչ պալատի արտաքին հաղորդակցությունը՝ Պալատը քննարկել է արտաքին հաղորդակցման հնարավոր գործիքների կիրառության արդյունավետությունը և մշակվող հաղորդակցության ռազմավարության հիմնական դրույթների վրա հիմնվելով՝ ձևակերպել է հաղորդակցության ձևաչափ, որը հավակնում է ապահովել աուդիտի բարձրագույն ինստիտուտների միջազգային ստանդարտներով (ISSAI 20) սահմանված հաղորդակցության պատշաճ մակարդակ։
Հրապարակման ենթակա բոլոր որոշումներին ծանոթացեք այս հղմամբ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.