ԱԺ ֆինանսավարկային եւ բյուջետային հարցերի մշտական հանձնաժողովի նախաձեռնությամբ և ՄԱԶԾ «Նոր Հայաստան՝ ժամանակակից խորհրդարան» ծրագրի աջակցությամբ, ինչպես նաև ոլորտի լավագույն մասնագետների ներգրավվածությամբ դեկտեմբերի 1-ին՝ Ծաղկաձորում տեղի է ունեցել համաժողով, որի նպատակն էր ներկայացնել Հաշվեքննիչ պալատի զարգացման հնարավորությունները, օրենսդրական նախաձեռնության հիմնական մոտեցումները, կարգավորումները, լսել շահագրգիռ կողմերի տեսակետներն ու առաջարկները:
«Աշխատանքային ձևաչափով այս քննարկումը շատ կարևոր է նաև այն առումով, որ ինստիտուտի ներկայացուցիչը հանդես է գալիս ոչ միայն իր կողմից ներկայացվող կառույցի տեսակետից, այլ արտահայտում է իր անձնական՝ որոշ դեպքերում նաև փորձագիտական կարծիքը: Վստահ եմ՝ այս կարծիքների բախումը կբերի ավելի լավ փոփոխությունների առաջարկի գործող օրենցդրության մեջ», - նշել է Հաշվեքննիչ պալատի նախագահ Ատոմ Ջանջուղազյանը:
Պալատի ներկայացուցիչները, մանրամասնելով քննարկվող իրավական փաթեթի հիմնականսկզբունքներն ու մոտեցումները, որոնց մշակման աշխատանքները սկսվել են շուրջ մեկ տարի առաջ, անդրադարձել են նաև Հաշվեքննիչ պալատի տեսլականին՝ բարեփոխումների եւ ռազմավարության առումով: Աշխատաժողովի քննարկման հիմնական թեմաներից էր նաև Պալատի կառավարման մոդելի վերանայմանը վերաբերող հարցը։
Խոսելով ՀՀ արտաքին պետական հաշվեքննության ոլորտի իրավական բարելավումներիհայեցակարգի մասին, Պալատի նախագահը նշել է՝ «Որպես ելակետ վերցվել է Սահմանադրության արտաքին պետական հաշվեքննության գործառույթը կանոնակարգող բաժինը: Փաթեթում ներառել ենք նաեւ մեր պատկերացումները: Մեր կարծիքով Սահմանադրությունը վերանայելու անհրաժեշտություն է առաջացել: Այդ վերանայումներն ավելի հիմնարար կդարձնեն իրավական դաշտը»:
ԱԺ ֆինանսավարկային եւ բյուջետային հարցերի մշտական հանձնաժողովի նախագահ՝ Գևորգ Պապոյանի խոսքերով իրավական փաթեթը բազմակողմանի մասնագիտական եւ իրավական քննության պետք է ենթարկվի՝ պետք է քննարկվեն բոլոր դետալները, որպեսզի ունենանք լավարկված օրենսդրություն: Բազմաթիվ հարցեր կան, որոնց շուրջ տարբեր գերատեսչություններ ունեն տարբեր փաստարկներ: Ճշմարտությունը պետք է գտնենք բանավեճի շրջանակում, որպեսզի պատգամավորները ստանան ամբողջական տեղեկատվություն՝ օրենքի հետագա ճակատագրի հետ կապված իրենց որոշումը կայացնելու համար. ասել է Գեւորգ Պապոյանը:
Աշխատաժողովի հիմնական քննարկվող թեմաներից են եղել՝ հարկային, բանկային գաղտնիքինվերաբերող հարցերը, Պալատի ֆինանսական անկախության բաղադրիչը, մարդկային ռեսուրսների կառավարումը, բիզնեսի նկատմամբ հաշվեքննության մանդատին վերաբերող հարցերը:
Քննարկմանը մասնակցել են պատգամավորներ եւ փորձագետներ Ֆինանսավարկային եւ բյուջետային հարցերի մշտական հանձնաժողովից, Ֆինանսների, Արդարադատության եւ ՏԿԵ նախարարություններից, ՊԵԿ-ից, Կենտրոնական բանկից եւ ԱԺ բյուջետային գրասենյակից:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.