2018թ. ապրիլի 11-13-ը Հաշվեքննիչ պալատի պատվիրակությունը մասնակցել է Տալլինում կայացած EUROSAI (եվրոպական երկրների աուդիտի բարձրագույն մարմինների կազմակերպություն) տեղեկատվական տեխնոլոգիաների (ՏՏ) աուդիտի աշխատանքային խմբի 12-րդ նիստին, որին մասնակցում էին 29 երկրի աուդիտի բարձրագույն մարմինների պատվիրակություններ:
Աշխատանքային խմբի նիստի թեմաներն առնչվում էին ՏՏ աուդիտում նոր գործիքների և ուղեցույցների կիրառման, ՏՏ աուդիտի ինքնագնահատման, ինչպես նաև զուգահեռ աուդիտների փորձի փոխանակման խնդիրներին:
Նիստի ընթացքում աշխատանքային խմբի անդամները հաստատել են ՀՀ հաշվեքննիչ պալատի անդամակցությունը` EUROSAI ՏՏ աուդիտի աշխատանքային խմբին: Անդամակցության կապակցությամբ Հաշվեքննիչ պալատի պատվիրակությունը հանդես է եկել ՀՀ-ում արտաքին պետական հաշվեքննության զարգացման ներկա փուլի և ՏՏ կարողությունների զարգացման մարտահրավերների վերաբերյալ զեկույցով:
Նիստի ընթացքում հռչակվել են նաեւ աշխատանքային խմբի հետագա ռազմավարական նպատակները. աուդիտի բարձրագույն մարմինների ինստիտուցիոնալ կարողությունների զարգացման մարտահրավերների դիմագրավման աջակցություն, զուգահեռ և համատեղ աուդիտների միջոցով` մասնագիտական համագործակցություն:
Այցի ընթացքում Հաշվեքննիչ պալատի պատվիրակությունը հանդիպում է ունեցել Էստոնիայի ազգային աուդիտի գրասենյակի ՏՏ աուդիտորների հետ: Կողմերը քննարկել են աուդիտի մարմինների միջև փորձի փոխանակման և համատեղ ծրագրերի իրականացմանն առնչվող մի շարք հարցեր:
Ծանոթություն
EUROSAI ՏՏ աուդիտի աշխատանքային խումբը ստեղծվել է 2002թ.` Մոսկվայում կայացած EUROSAI համագումարի որոշումով: Աշխատանքային խմբին անդամակցում են 35 երկրի աուդիտի բարձրագույն մարմին, ինչպես նաև Եվրոպայի աուդիտի դատարանը:
Աշխատանքային խմբի նախագահն է Լեհաստանի ազգային աուդիտի գրասենյակը: 2020թ. Աշխատանքային խմբի նախագահությունը կստանձնի Էստոնիայի ազգային աուդիտի գրասենյակը:
ՀՀ հաշվեքննիչ պալատին միջազգային հարթակներում մասնակցության և փորձի փոխանակման նպատակով տեխնիկական աջակցություն է տրամադրում GIZ-ի հայաստանյան գրասենյակը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.