Տաջիկստանի Հանրապետության կառավարության պատվիրակության՝ գիտելիքի փոխանակման նպատակով Հայաստանի Հանրապետություն այցի շրջանակում, 2024 թվականի հուլիսի 15-ին կայացել է Տաջիկստանի Հանրապետության պատվիրակության հանդիպումը Հաշվեքննիչ պալատի ներկայացուցիչների հետ:
Պատվիրակության այցի նպատակներից էր նաև՝ ծանոթանալ Հայաստանում բարձրագույն հաշվեքննիչ մարմնի գործունեությանը, մասնավորապես՝ կատարողականի հաշվեքննության իրականացման առանձնահատկություններին:
Հանդիպման ընթացքում Հաշվեքննիչ պալատի կատարողականի հաշվեքննության վարչության պետ Ժիրայր Մխիթարյանը ողջունելով հյուրերին, նշեց, որ կատարողականի հաշվեքննության նկատմամբ հետաքրքրությունը վկայում է երկու կառույցների միջև համատեղ օրակարգի առկայության մասին և պատասխանելով բոլոր հետաքրքրող հարցերին ներկայացրեց Հաշվեքննիչ պալատի ռազմավարական զարգացման ուղիները, հաշվեքննության առաջնահերթությունները, կատարողականի հաշվեքննության պլանավորման և իրականացման գործընթացը, տեղի ունեցած օրենսդրական փոփոխությունները, որոնք ուղղված են Հաշվեքննիչ պալատի գործունեության արդյունավետության բարձրացմանը:
Հանդիպման ավարտին կողմերը շնորհակալություն հայտնեցին միմյանց՝ ընդգծելով հանրային ռեսուրսների արդյունավետ օգտագործմանը նպաստելու գործում արտաքին պետական հաշվեքննության ոլորտում ձեռքբերված փորձի փոխանակման կարևորությունը:
Հանդիպումը կազմակերպվել էր ԵՄ տեխնիկական աջակցության ծրագրի շրջանակում և տեղի ունեցել ԱԺ բյուջետային գրասենյակի ներկայացուցիչների հետ համատեղ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.