Եվրասիական տնտեսական միության (այսուհետ՝ ԵԱՏՄ) անդամ պետությունների բարձրագույն վերահսկիչ մարմինների կողմից 2019 թվականի մայիսի 13-ին մեկնարկած ԵԱՏՄ անդամ պետությունների լիազորված մարմինների (գանձապետարանների) կողմից ներմուծման մաքսատուրքերի բաշխման կարգի պահպանման նկատմամբ համատեղ վերահսկողական միջոցառումները ավարտվեցին հուլիսի 2-ին: Այս տարի,ՀՀ հաշվեքննիչ պալատը` որպես 2019 թվականին Եվրասիական տնտեսական միությունում նախագահող երկրի բարձրագույն վերահսկիչ մարմին, համակարգում է վերահսկողական միջոցառումները, որոնք մայիսի 13-ից մեկնարկել էին Երևանում՝ մայիսի 23-ից մինչև մայիսի 31-ը շարունակվել էին Մինսկում, հունիսի 3-իցմինչև 11-ը՝ Մոսկվայում, հունիսի 13-ից մինչև հունիսի 21-ը՝ Բիշկեքում և հուլիսի 2-ին ավարտվեցին Նուր-Սուլթանում:
Վերահսկողական միջոցառումների ընթացքում յուրաքանչյուր վերահսկողության օբյեկտում կազմվել են համապատասխան ակտեր (արձանագրություններ), ԵԱՏՄ անդամ պետությունների մաքսային մարմիններին ուղարկվել են հարցումներ և ներմուծման մաքսատուրքերի վերաբերյալ պահանջվել են լրացուցիչ տեղեկատվություն:
Այժմ վերահսկողական միջոցառումների արդյունքները գտնվում են ամփոփման փուլում: Մաքսային մարմիններից ստացված տեղեկատվությունների վերլուծությունից հետո ՀՀ հաշվեքննիչ պալատի կողմից՝ որպես 2019 թվականի վերահսկողական միջոցառումների համակարգող, կազմվելու է ամփոփ հաշվետվությունը, որը ներկայացվելու է 2019թ. նոյեմբեր ամսին ԵԱՏՄ անդամ պետությունների բարձրագույն վերահսկիչ մարմինների համատեղ կոլեգիայի նիստին, որը նախատեսվում է անցկացնել Երևանում:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.