Վիետնամի պետական աուդիտի գրասենյակի Գլխավոր աուդիտոր պարոն Հո Դուկ Ֆոկի և Մալայզիայի Գլխավոր աուդիտոր տիկին Մադինա Բինթի Մոհամադ հրավերով Հաշվեքննիչ պալատի պատվիրակությունը Հաշվեքննիչ պալատի անդամ Արա Նռանյանի գլխավորությամբ 2018թ. սեպտեմբերի 19-ից 22-ը մասնակցել է ք. Հանոյում /Վիետնամ/ կայացած Բարձրագույն աուդիտի մարմինների ասիական կազմակերպության /ASOSAI/ 14-րդ համագումարին:
Համագումարի շրջանակներում քննարկվել են բազմաթիվ հարցեր, առանձնահատուկ կարևորություն է տրվել բնապահպանական աուդիտի իրականացման խնդրին, որը հրատապ է դառնում բոլոր երկրներում։ Քննարկվել են տեղեկատվական ցանցերի և շտեմարանների օգտագործման խնդիրները հաշվեքննության ընթացքում։
Հավանության են արժանացել մի շարք աշխատանքային խմբերի հետազոտությունների արդյունքները և մեթոդական ցուցումները, որոնք պետք է օգտագործվեն ասիական երկրների հաշվեքննիչ պալատների կողմից իրենց գործունեության շրջանակում։
Համագումարի ընթացքում ընտրվել է ASOSAI նոր գլխավոր քարտուղարություն՝ Չինաստանի աուդիտի ազգային գրասենյակը, տեղի է ունեցել նախագահության փոխանցումը Վիետնամին և 2021թ. XV-րդ Համագումարի վայրի որոշումը /Թայլանդ/։ Կայացել է Կառավարման խորհրդի 5 և աուդիտորական կոմիտեի 2 անդամների ընտրությունը:
Հայաստանի պատվիրակության անդամները ունեցել են նաև երկկողմ հանդիպումներ, որոնց արդյունքում ձեռք են բերվել պայմանավորվածություններ մի շարք պետությունների հաշվեքննիչ մարմինների հետ փոխշահավետ համագործակցության վերաբերյալ։
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.