Հաշվեքննիչ պալատի և Շվեդիայի ազգային աուդիտի գրասենյակի միջև կնքված փոխըմբռնման հուշագրի և համագործակցության ծրագրի իրագործման շրջանակներում Հաշվեքննիչ պալատի 2020-2023թթ. ռազմավարական զարգացման ծրագրի միջոցառումների իրականացման նպատակով 2022թ. Շվեդիայի ազգային աուդիտի գրասենյակի պատվիրակությունը հոկտեմբերի 17-21-ը գտնվում էր Երևանում:
Այցի մեկնարկին Շվեդիայի ազգային աուդիտի գրասենյակի պատվիրակությանն ընդունել է Հաշվեքննիչ պալատի նախագահ Ատոմ Ջանջուղազյանը: Ողջունելով Շվեդիայի ազգային աուդիտի գրասենյակի ներկայացուցիչներին՝ Հաշվեքննիչ պալատի նախագահը կարևորել է երկու երկրների բարձրագույն հաշվեքննիչ մարմինների միջև համագործակցությունը և գործընկերային հարաբերությունների արդյունքում ձևավորված աշխատանքային մթնոլորտը, որը մշտապես նպաստել է Պալատի բարեփոխումների օրակարգին և ռազմավարական առումով կարևոր ձեռքբերումներին:
Շվեդիայի ազգային աուդիտի գրասենյակի պատվիրակության ղեկավար Գինա Ֆյունմարկը, իր հերթին ողջունելով գործընկեր կառույցի ներկայացուցիչներին, շնորհակալություն է հայտնել հյուրընկալման համար: Համաձայնելով գործընկերոջ հետ, Գինա Ֆյունմարկը բարձր է գնահատել նախկինում կատարված աշխատանքները և տեղեկացրել, որ Շվեդիայի բարձրագույն հաշվեքննիչ մարմինը շահագրգիռ է Պալատի գործունեության բարելավմանը նպաստելու հարցում և պատրաստակամ՝ առավելագույն արդյունավետությամբ փոխանցել կուտակած փորձն ու գիտելիքը։
Պատասխան խոսքում Ատոմ Ջանջուղազյանը շնորհակալություն է հայտնել գործընկեր կառույցին պատրաստակամության նման մակարդակի համար և նշել է, որ Պալատը՝ որպես առաջնահերթություն առանձնացնելով Կատարողականի հաշվեքննության որակական աճն ու հաղորդակցությունը արտաքին շահառուների հետ, պատրաստ է բոլոր ջանքերը գործադրել այս երկու կարևոր գործընթացներին նոր թափ հաղորդելու և ձեռքբերումներն ամրապնդելու հարցում:
Հանդիպման ընթացքում քննարկվել են նաև համագործակցության շրջանակի ընդլայնման, այդ թվում՝ ՏՏ աուդիտի կարողությունների զարգացման, համատեղ կատարողականի աուդիտների իրականացման, ինչպես նաև՝ բարձրագույն հաշվեքննիչ մարմինների արտաքին գնահատմանն (Peer-review) առնչվող այլ հարցեր:
Այցի շրջանակում, ՄԱԶԾ «Նոր Հայաստան՝ ժամանակակից խորհրդարան» ծրագրի աջակցությամբ, որը ֆինանսնավորվում է Շվեդիայի կառավարության կողմից և իրականացվում՝ ՀՀ Ազգային ժողովի հետ համագործակցությամբ, կազմակերպվել է Շվեդ փորձագետների մասնակցությամբ «Կատարողական հաշվեքննության կարողությունների կատարելագործման» թեմայով աշխատաժողովներ՝ Պալատի ղեկավար կազմի և հաշվեքննողների համար։
Հյուրերի համար նախատեսված է եղել նաև մշակութային ծրագիր, որի շրջանակներում Շվեդիայի ազգային աուդիտի գրասենյակի ներկայացուցիչները այցելել են Հայաստանի պատմության թանգարան:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.