ՀՀ հաշվեքննիչ պալատի նախագահ Ատոմ Ջանջուղազյանը Պրահայում (Չեխիայի Հանրապետություն) մասնակցել է EUROSAI-ի (Բարձրագույն հաշվեքննիչ մարմինների եվրոպական կազմակերպություն) բարձր մակարդակի համաժողովին, որը նվիրված էր ներառականության թեմային:
Համաժողովի օրակարգն ուղղված էր EUROSAI-ի անդամների միջև մասնագիտական փոխգործակցության ընդլայնմանը և կազմակերպության ներսում առավել ներառական միջավայրի և գործնական մեխանիզմների ձևավորմանը, որոնք կապահովեն հավասարակշռված ներգրավվածություն ու փորձի արդյունավետ փոխանակում բոլոր անդամ կառույցների միջև:
Հաշվեքննիչ պալատի նախագահը ներկայացրել է հայեցակարգ՝ ներառականության հետևյալ երեք հարթությունների ապահովման նպատակով․
- «Թվային սերնդի» ներգրավում․ ժամանակակից թվային միջավայրում գործող երիտասարդ մասնագետների ներառում հաշվեքննության գործընթացում․
- Ռեսուրսներին հասանելիություն․ Առաջադեմ և զարգացող ԲՀՄ ների կարողությունների միջև խզման մեղմում՝ կուտակված փորձի արագ և ճկուն փոխանակման միջոցով։
- Հաշվեքննողների համայնքում փորձի և գիտելիքի ընդհանրացում. Առանձին ԲՀՄ-ների փորձի վերածում մասնագիտական համայնքի սեփականության:
Ըստ այդմ առաջարկվել է ներդնել համագործակցության հաղորդակցության նոր էկոհամակարգ, որը հիմնված կլինի երեք մակարդակների վրա.
- Արագ արձագանքման հարթակ՝ ընթացիկ խնդիրների օպերատիվ քննարկման համար:
- Փորձի փոխանակման տիրույթ՝ հավաքական գիտելիքը կիսելու և զարգացնելու համար:
- Անվտանգ պահոց՝ պաշտոնական և զգայուն տեղեկատվության պահպանման համար:
Բարձրագույն հաշվեքննիչ մարմինների եվրոպական կազմակերպությունը (EUROSAI) հանդիսանում է INTOSAI-ի (Բարձրագույն հաշվեքննիչ մարմինների միջազգային կազմակերպություն) տարածաշրջանային կառույցներից մեկը և միավորում է 51 բարձրագույն հաշվեքննիչ մարմինների:
Հայեցակարգի ամբողջական տարբերակներ․
NextGen SAI Cooperation in the Digital Age
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.