Աուդիտի բարձրագույն մարմինների միջազգային կազմակերպության զարգացման նախաձեռնության (INTOSAI IDI) կողմից ՀՀ հաշվեքննիչ պալատը ստացել է անկախ հավաստիացում Աուդիտի բարձրագույն մարմինների կատարողականի գնահատման ձևաչափի (SAI PMF) համաձայն իրականացված ինքնագնահատման հաշվետվության վերաբերյալ:
Ինքնագնահատման առարկան է եղել ՀՀ վերահսկիչ պալատի գործունեության կատարողականը: Գնահատումն իրականացվել է ՀՀ հաշվեքննիչ պալատի Մեթոդաբանության, վերլուծության և միջազգային կապերի վարչության կողմից, իսկ որակի հավաստիացումը տրամադրվել է INTOSAI IDI-ի որակավորված մասնագետ Բիլ Բարնեթի կողմից:
Հավաստիացման նպատակն էր՝ երաշխավորել, որ SAI PMF-ի մեթոդաբանությունը պահպանված է, որ գնահատման ընթացքում օգտագործված ապացույցները բավարար են, որ վերլուծությունը համահունչ է ապացույցներին, որ ամփոփագիրը համահունչ է վերլուծությանը: Աուդիտի բարձրագույն մարմինների միջազգային կազմակերպության զարգացման նախաձեռնության (INTOSAI IDI) կողմից ստացված անկախ հավաստիացման հաշվետվությունում արձանագրվեց, որ IDI-ի կողմից ստացված վերջնական հաշվետվությունում բոլոր նպատակները բավարար չափով ապահովված են: Սույն հավաստիացման գործընթացում բարձրացված բոլոր էական հանգամանքները հասցեագրված են:
Միևնույն ժամանակ, ՀՀ հաշվեքննիչ պալատի աշխատանքը արժանացել է IDI-ի ներկայացուցիչների բարձր գնահատականին, որում, մասնավորապես, ասված է. Շնորհավորում ենք կատարված աշխատանքի կապակցությամբ: Վերջնական արդյունքը, հիրավի, տպավորիչ է: Մեր կարծիքով սա լավագույն ինքնագնահատումներից մեկն է, և դուք պետք է իսկապես հպարտանաք տվյալ աշխատանքով:
Հաշվեքննիչ պալատի կողմից իր աշխատանքի ինքնագնահատումների իրականացումը կրելու է շարունակական բնույթ և ծառայելու է, որպես հեռանկարային ռազմավարական-ինստիտուցիոնալ զարգացման հիմք:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.