2019թ. սեպտեմբերի 27-ին ք. Մոսկվայում անցկացվող բարձրագույն հաշվեքննիչ մարմինների միջազգային համագումարն (INCOSAI) ավարտեց իր աշխատանքները: Համագումարի աշխատանքներին մասնակցեցին բարձրագույն հաշվեքննիչ մարմինների պատվիրակներ 169 երկրից:
Համագումարի ընթացքում Հաշվեքննիչ պալատի պատվիրակության ղեկավար, Հաշվեքննիչ պալատի նախագահ Լևոն Յոլյանը
երկկողմ հանդիպում ունեցավ ՌԴ հաշվիչ պալատի նախագահ Ալեքսեյ Կուդրինի հետ: Կողմերը ստորագրեցին համաձայնագիր 2020 թվականին «Ռուս-Հայկական համալսարանում» համատեղ հաշվեքննության վերաբերյալ:
Երկկողմ համագործակցության աշխատանքների քննարկման նպատակով Լ. Յոլյանը հանդիպում ունեցավ նաև Բելառուսի Հանրապետության բարձրագույն հաշվեքննիչ մարմնի ղեկավար Լեոնիդ Անֆիմովի հետ: Հանդիպման ընթացքում Բելառուսայի հաշվեքննիչ մարմնի ղեկավարը արդյունավետ համագործակցության համար պարգևատրեց Հաշվեքննիչ պալատի նախագահԼ. Յոլյանին Բելառուսի Հանրապետության բարձրագույն հաշվեքննիչ մարմնի 100 ամյակի անվանական հուշամեդալով:
Հաշվեքննիչ պալատի նախագահը INCOSAI համագումարի տարբեր համագործակցային հարթակներում երկկողմ հանդիպումներ ունեցավ նաև Արաբական Միացյալ Էմիրությունների, Չինաստանի, Հարավային Կորեայի, Իրանի, Ղրղզստանի, Ղազախստանի, Քուվեյթի և մի շարք այլ երկրների՝ իր գործընկերների հետ:
Համագումարի արդյունքում ձայների մեծամասնությամբ ընդունվեց Մոսկվայի հռչակագիրը, որն ամբողջ աշխարհում բարձրագույն հաշվեքննիչ մարմինների համար կլինի առաջիկա տարիների հիմնական օրակարգը:
Հռչակագիրի հիմքում ընկած են զարգացման հետևյալ սկզբունքները.
Անկախ արտաքին պետական հաշվեքննության ապահովում կայուն զարգացման նպատակների և դրանց ազգային մակարդակում սահմանված նպատակների իրագործման նկատմամբ,
Տեխնոլոգիական առաջընթացի հնարավորությունների արդյուանվետ կիրառում,
Բարձրագույն հաշվեքննիչ մարմինների աշխատանքների նշանակալիության բարձրացում՝ պետական կառավարման ոլորտում հաշվետվողականության և թափանցիկության բարձրացման համար:
Համագումարի ավարտին ընտրվեց INTOSAI կառավարման խորհրդի կազմը, որն առաջիկա երեք տարին կղեկավարի ՌԴ հաշվիչ պալատի նախագահ Ա. Կուդրինը: Համագումարը որոշեց հաջորդ համագումարը անցկացնել 2022թ. Բրազիլիայում:
Տեսահոլովակում՝ Mir.Tv-ի ռեպորտաժը INTOSAI-ի համագումարի վերաբերյալ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.