Հայաստանի Հանրապետությունում Գիտելիքի և դպրության օրը նշվում է սեպտեմբերի 1-ին՝ արժևորելով կրթությունը որպես անհատի ձևավորման բացառիկ հնարավորություն։ Կրթությունը նաև պետության զարգացման հիմնախնդիրների լուծման բանալին է։ Պետության պարտականությունն է ապահովել հավասար հնարավորություններով կրթության իրավունքի իրացումը։ Այն պետք է լինի հասանելի բոլորին՝ անկախ սոցիալական, տարածքային կամ այլ պայմաններից, և ոչ միայն արտոնյալներին։
Հաշվեքննիչ պալատը 2025 թվականի փետրվարի 27-ին հաստատել է «Պարտադիր կրթության համակարգում ընդգրկվածությունը» թեմայով հաշվեքննության արդյունքները։ Հաշվեքննությամբ գնահատվել է հանրակրթության տարիքի անձանց հանրակրթության համակարգում ներգրավվածությանն ուղղված պետական կառավարման քաղաքականության իրականացումը։ Գնահատման արդյունքում արձանագրվել են հիմնական խնդիրները, բացահայտվել են դրանց համակարգային պատճառները և ներկայացվել են բարելավման առաջարկություններ։
Հաշվեքննիչ պալատի առաջարկությունները հաշվի առնելով՝ բնագավառի լիազոր մարմինը՝ Կրթության, գիտության, մշակույթի և սպորտի նախարարությունը, հաստատել է գործողությունների ծրագիր, որի իրականացման նկատմամբ Հաշվեքննիչ պալատը շարունակում է իրականացնել մոնիթորինգ, իսկ արդյունքները ներկայացվում են Ազգային ժողովին։
Շնորհավորելով բոլորիս Գիտելիքի և դպրության օրվա կապակցությամբ՝ վերահաստատում ենք, որ հանրակրթության համակարգից դուրս մնացած անձանց վերադարձը կրթական հաստատություններ հնարավոր է բացառապես հանրային համերաշխության միջավայրում՝ գործընթացի մասնակից բոլոր կողմերի համագործակցության պարագայում։ Այս համատեքստում Հաշվեքննիչ պալատը շարունակելու է հրապարակել զարգացումների վերաբերյալ տեղեկություններ։
* * *
Հաղորդագրությունից օգտվելու դեպքում հղումը սկզբնաղբյուրին պարտադիր է:
secretariat@armsai.am
www.armsai.am
LinkedIn: audit-chamber-of-armenia
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.