2026 թվականի ապրիլի 14-ին Հաշվեքննիչ պալատում տեղի է ունեցել հանդիպում Եվրոպայի խորհրդի Տեղական և տարածքային իշխանությունների կոնգրեսի պատվիրակության հետ: Հանդիպման առանցքում եղել են Հայաստանում տեղական ինքնակառավարման ոլորտում իրականացվող բարեփոխումները, համայնքների ֆինանսական վիճակը և իրականացվող հաշվեքննությունները և այդ համատեքստում Հաշվեքննիչ պալատի դերը համայնքային հաշվետվողականության և թափանցիկության ապահովման գործընթացներում։
Հանդիպման ընթացքում պատվիրակության անդամները բարձրացրել են համայնքների ֆինանսական անկախությանը, մասնագիտական ներուժի առկայության և մասնագիտական կարողությունների զարգացմանը վերաբերող մի շարք հարցեր: Հատկապես կարևորվել է համայնքների խոշորացման գործընթացի արդյունավետության գնահատումը և դրա ազդեցությունը տեղական ինքնակառավարման մարմինների կարողությունների ամրապնդման վրա: Հանդիպմանը մանրամասն ներկայացվել է ՏԻՄ ոլորտում Պալատի կողմից իրականացված հաշվեքննությունների արդյունքները, Ընդգծելով, որ Պալատի լիազորությունների շրջանակը ներառում է նաև համայնքային սեփականության, այդ թվում համայնքային բյուջեների նկատմամբ հաշվեքննությունը, դրա ընթացքում փաստերի անկախ արձանագրումն ու համակարգային կատարելագործմանն ուղղված առաջարկների ներկայացումը՝ զերծ մնալով վարչական վերահսկողական գործառույթներից:
Հանդիպմանը շեշտադրվել է, որ Պալատն իր գործունեության մեջ առաջնորդվում է բարձրագույն աուդիտորական մարմինների միջազգային ստանդարտներով (INTOSAI), ինչպես նաևհաշվեքննության պլանավորման և իրականացման հիմքում դրվում է Հաշվեքննության միջնաժամկետ առաջնահերթությունները, որտեղ մարդը, քաղաքացին և նրա շահերը հանդիսանում են անկյունաքարային: Այդ իսկ պատճառով Պալատն ակտիվորեն զարգացնում է կատարողականի հաշվեքննության գործիքակազմը, որի նպատակն է գնահատել համայնքային միջոցների օգտագործման ռեսուրսային և նպատակային արդյունավետությունը, ինչպես նաև տնտեսումը:
Հանդիպման ավարտին Կոնգրեսի ներկայացուցիչները հետաքրքրվել են նաև պետություն-համայնք համագործակցության արդյունավետությամբ՝ պատրաստակամություն հայտնելով շարունակել կառուցողական երկխոսությունը Պալատի հետ՝ որպես հաշվետվողականության և թափանցիկության ապահովման առանցքային երաշխավորի:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.