Եվրասիական տնտեսական միության անդամ պետությունների բարձրագույն վերահսկիչ (հաշվեքննիչ) մարմինների կողմից 2018 թվականի մայիսի 15-ից մեկնարկել է ԵԱՏՄ անդամ պետությունների լիազորված մարմինների (գանձապետարանների) կողմից անդամ պետությունների բյուջեներ ներմուծման մաքսատուրքերի ամբողջությամբ և ժամանակին փոխանցելու կարգի պահպանման նկատմամբ համատեղ վերահսկողական միջոցառման իրականացումը:
Մայիսի 15-ից մինչև մայիսի 23-ը վերահսկողական միջոցառումներ են իրականացվել Ղրղզստանում, մայիսի 24-ից մինչև հունիսի 1-ը՝ Ղազախստանում, հունիսի 4-ից մինչև 12-ը՝ Բելառուսում, հունիսի 13-ից մինչև հունիսի 21-ը՝ Ռուսաստանի Դաշնությունում, իսկ հունիսի 25-ից սկսվել է վերահսկողական միջոցառման հայաստանյան փուլը, որը կավարտվի հուլիսի 3-ին:
2018 թվականի վերահսկողական միջոցառման Միասնական ծրագրով նախատեսված է վերահսկողություն իրականացնել նաև նախորդ տարվա ամփոփ հաշվետվությունում արձանագրված հանձնարարականների կատարման ընթացքի վերաբերյալ: Նախորդ վերահսկողության ընթացքում արձանագրվել է, որ ստուգման արդյունքներով տրված հանձնարարականի հիման վրա Ղազախստանի Հանրապետությունը ընդերքօգտագործողների կողմից 2014-2016թթ. վճարված ներմուծման մաքսատուրքերի գումարները 9,060,623.3 հազ. տենգե (մոտ 29.0 մլն ԱՄՆ դոլար) չեն բաշխվել ԵԱՏՄ անդամ պետությունների բյուջեների միջև: Այդ գումարների չբաշխման պատճառն է Ղազախստանի Հանրապետության էկոնոմիկայի նախարարության կողմից ոլորտը կարգավորվող օրենսդրության այլ մեկնաբանությունը, որի հետ համաձայն չեն մնացած չորս ԵԱՏՄ անդամ պետությունների բարձրագույն վերահսկիչ (հաշվեքննիչ) մարմինները և այդ հարցի կարգավորումը գտնվում է քննարկման փուլում:
Վերոհիշյալ խնդիրը կրում է շարունակական բնույթ, որի վերաբերյալ ՀՀ հաշվեքննիչ պալատի նախագահ Լևոն Յոլյանի կողմից նշվել էր նաև Ազգային ժողովում ՀՀ վերահսկիչ պալատի 2017 թվականի տարեկան հաշվետվության ներկայացման ընթացքում:
Վերահսկողության ընթացքում մաքսային մարմիններից պահանջվել է լրացուցիչ տեղեկատվություն: Դրա վերլուծությունից հետո կազմվելու է ամփոփ հաշվետվություն, որը նախատեսվում է ներկայացնել 2018թ. նոյենբեր ամսին ԵԱՏՄ անդամ պետությունների բարձրագույն վերահսկողական մարմինների համատեղ կոլեգիայի նիստին:
Վերոհիշյալ միջոցառման իրականացման վերահսկողական խմբի աշխատանքներին ներգրավված են Հաշվեքննիչ պալատի մեթոդաբանության, վերլուծության և միջազգային կապերի վարչության աշխատակիցները, որոնց աշխատանքները համակարգվում է Հաշվեքննիչ պալատի անդամ Գ.Մկրտումյանի կողմից:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.