Փետրվարի 19-ին օնլայն ձևաչափով կայացավ ԵԱՏՄ անդամ պետությունների բարձրագույն վերահսկիչ (հաշվեքննիչ) մարմինների համատեղ կոլեգիայի նիստը: Նիստին հրավիրված են եղել և մասնակցել են Եվրասիական տնտեսական հանձնաժողովի, ԵԱՏՄ անդամ պետությունների լիազորված և մաքսային մարմինների պաշտոնատար անձիք:
Նիստում քննարկվել է ԵԱՏՄ անդամ պետությունների բարձրագույն վերահսկիչ (հաշվեքննիչ) մարմինների կողմից ԵԱՏՄ անդամ պետությունների լիազորված մարմիններում (գանձապետարաններում) անդամ պետությունների բյուջեներ ներմուծման մաքսատուրքերի փոխանցման կարգի պահպանման նկատմամբ համատեղ վերահսկողական միջոցառուման արդյունքներով կազմված ամփոփ հաշվետվությունը:
Նիստում ելույթով հանդես եկան ԵԱՏՄ անդամ պետությունների բարձրագույն հաշվեքննիչ մարմինների պատվիրակությունների ղեկավարները: Հայաստանի Հանրապետության պատվիրակության ղեկավար Հաշվեքննիչ պալատի անդամ Կարեն Առուստամյանը իր ելույթում նշեց, որ լիազորված մարմինների (գանձապետարանների) կողմից 2019 թվականին ԵԱՏՄ պայմանագրով սահմանված պահանջները հիմնականում ապահովվել են: Սակայն դեռևս առկա է խնդիր, որը կրում է շարունակական բնույթ և տարեց տարի մնում է չլուծված: Դա վերաբերվում է Ղազախստանում ընդերքօգտագործողների կողմից 2014-2019թթ. ժամանակահատվածում վճարված, սակայն ԵԱՏՄ անդամ պետությունների միջև չբաշխված ներմուծման մաքսատուրքերի գումարներին:
Այդ հարցի կապակցությամբ իրենց ելույթներում անդրադարձան նաև ԵԱՏՄ մյուս անդամ պետությունների և Եվրասիական տնտեսական հանձնաժողովի ներկայացուցիչները:
Ընդհանուր առմամբ բանախոսները բարձր գնահատեցին կատարված աշխատանքն՝ արձանագրելով, որ համավարակի հետ կապված այս բարդ պայմաններում բարձրագույն հաշվեքննիչ մարմինները կարողացել են պատշաճ իրականացնել իրենց առջև դրված խնդիրները:
Նիստի ավարտին ԵԱՏՄ անդամ պետությունների բարձրագույն վերահսկիչ (հաշվեքննիչ) մարմինները հաստատեցին ամփոփ հաշվետվությունը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.