ՀՀ հաշվեքննիչ պալատի նախագահ Լևոն Յոլյանը ՀՀ Ազգային ժողովի 2020 թվականի հունիսի 25-ի արտահերթ նիստում ներկայացրեց ՀՀ հաշվեքննիչ պալատի 2019 թվականի տարեկան հաղորդումը:
Հաշվեքննիչ պալատի նախագահ Լևոն Յոլյանը՝ ներկայացնելով իր ղեկավարած կառույցի 2019 թվականի տարեկան հաղորդումը նշեց՝
«հաշվեքննության թիրախներն ընտրվել են ռիսկերի գնահատման հատուկ մեթդաբանությամբ։ Արդյունքում, հաշվեքննության շրջանակը ներառել է բազմաթիվ ոլորտներ, որոնցից են սոցիալական ապահովության, կրթության, գիտության և մշակույթի, առողջապահության, էներգետիկայի, պաշտպանության և անվտանգության, պետական պարտքի, էկոնոմիկայի, ենթակառուցվածքներին վերաբերող և այլ ոլորտները»:
Ըստ զեկուցողի հաշվետու տարվա համար նախատեսված 32 հաշվեքննությունից 25-ը ավարտվել է,1-ը՝ կասեցվել, իսկ 6-ը դեռևս շարոնակվում են: Դիտարկվել են մինչև 10 տարվա վաղեմության գործարքներ: 2019 թվականին, ըստ պալատի նախագահի, իրավապահ մարմինների է ուղարկվել 24 առանձին նյութ, որից 21-ը գլխավոր դատախազությանը և մեկական նյութ՝ ԱԱԾ, Հատուկ քննչական ծառայություն և Պետական վերահսկողական ծառայություն:
Պալատի նախագահի խոսքով, Հաշվետու տարվա ցուցանիշն աննախադեպ է Հաշվեքննիչ պալատի ողջ պատմության համար՝ միայն 2019 թվականի մասով ստացված վիճակագրությունը մի քանի անգամ գերազանցում է նախորդ տարիների ցուցանիշները միասին վերցրած։
«Առհասարակ, վերջին երկու տարիների ընթացքում ուղարկվել է 33 առանձին նյութ, որոնք իրենց ծավալով և բնույթով բավականին ընդգրկուն թեմաներ են։ Վերջին 2 տարիների ընթացքում ուղարկված նյութերից 17-ի մասով տրվել է իրավական գնահատական, իսկ 16 նյութի ուսումնասիրությունները շարունակվում են: Իրավական գնահատականի արժանացած 16 նյութերով հարուցվել է 24 քրեական գործ, իսկ մեկ նյութ կցվել է արդեն հարուցված քրեական գործին» տեղեկացրեց Լևոն Յոլյանը։
2019 թվականին հաշվեքննիչ պալատի կողմից կառավարման և այլ մարմիններ ներկայացվել է 308 առաջարկություն՝ 117 համակարգին, 114-ը խնդրին, իսկ 75-ը արդյունքին միտված: Կազմվել են հաշվեքննության 61 արձանագրություն, որոնք սահմանված կարգով ներկայացվել են հաշվեքննության ենթարկված մարմինների ղեկավարներին և ստացել են նրանց արձագանքները, որոնք հրապարակվել են:
2019թվականը պալատի համար հագեցած էր նաև միջազգային միջոցառումներով՝ 2019 թվականի նոյեմբերի 28-ին Հաշվեքննիչ պալատի նախագահությամբ ք. Երևանում անցկացվել է ԵԱՏՄ բարձրագույն հաշվեքննիչ մարմինների կոլեգիայի համատեղ նիստը։ Համագումարի ընթացքում հաստատվել և ստորագրվել են ԵԱՏՄ բարձրագույն հաշվեքննիչ մարմինների կողմից 2019 թվականին Հաշվեքննիչ պալատի համակարգմամբ իրականցված ներմուծման մաքսատուրքերի գումարների բաշխման, անդամ պետությունների բյուջեների փոխանցման ճշտության վերաբերյալ համատեղ հաշվեքննության արդյունքները:
Մտքերի փոխանակության ձեւաչափում ելույթներ են ունեցել ՀՀ ԱԺ մի շարք պատգամավորներ։ Որից հետո իր եզրափակիչ ելույթում Լեւոն Յոլյանն անդրադարձել է պատգամավորների հարցադրումներին եւ դիտողություններին, տվել պարզաբանումներ:
Ազգային ժողովն ի գիտություն ընդունեց ՀՀ հաշվեքննիչ պալատի 2019 թվականի տարեկան հաղորդումը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.