Հաշվեքննիչ պալատի նախագահ Ատոմ Ջանջուղազյանի գլխավորությամբ 2022թ. սեպտեմբերի 14-ին գումարվել է Հաշվեքննիչ պալատի հերթական նիստը:
Նիստի ընթացքում, Պալատը՝ իր գործունեությունը օրենսդրության համաձայն կազմակերպելու նպատակով, ընդունել է ընթացակարգային բնույթի որոշումներ, որոնց կարելի է ծանոթանալ այս հղումով:
Պալատի կողմից հավանության է արժանացել հանրային սեփականության կառավարման վերաբերյալ հանրությանը որակյալ կարծիք ներկայացնելու գործառույթի բարեփոխմանը միտված՝ ՀՀ արտաքին պետական հաշվեքննության ոլորտի իրավական բարելավումների հայեցակարգը (1):
Վերջինիս անհրաժեշտությունը պայմանավորվել է այն հանգամանքով, որ Հաշվեքննիչ պալատի անկախության, մանդատի և տեղեկատվությանը հասանելիության, ինչպես նաև մարդկային ռեսուրսների կառավարման առկա սահմանափակումները զսպող ազդեցություն են ունենում Պալատի սահմանադրական առաքելության իրագործման տեսանկյունից, որի արդյունքում լիարժեքորեն չի իրացվում հանրային հարստության կառավարման վերաբերյալ հանրությանը ժամանակին, մասնագիտական և անկողմնակալ տեղեկատվության ներկայացնելու պետության ներուժը:
Այդ առումով, Հայեցակարգը հնարավորինս համակարգային կերպով հասցեագրում է արտաքին պետական հաշվեքննության ոլորտը կարգավորող ՀՀ գործող օրենսդրության և տվյալ ոլորտին վերաբերելի աուդիտի միջազգային ստանդարտների (ISSAI) միջև գոյություն ունեցող խզումը և պարունակում է վերջինիս վերացմանն ուղղված առաջարկություններ:
Հայեցակարգն անդրադառնում է նաև 2018 թվականի ապրիլին ուժի մեջ մտած Հաշվեքննիչ պալատի մասին օրենքի կիրարկման ընթացքում ի հայտ եկած բացերին և իրավական հակասություններին՝ պարունակելով դրանց շտկման առաջարկություններ:
Հայեցակարգի մշակման գործընթացում ցուցաբերված աջակցության և համագործակցության համար, Հաշվեքննիչ պալատը շնորհակալություն է հայտնում ՀՀ կառավարությանը, ՀՀ Ազգային ժողովի ֆինանսավարկային և բյուջետային հարցերի մշտական հանձնաժողովին ու ՀՀ կենտրոնական բանկին, ինչպես նաև ԵՄ/ՏՀԶԿ համատեղ ՍԻԳՄԱ ծրագրին և Հաշվեքննիչ պալատի մյուս միջազգային գործընկերներին:
Հայեցակարգի կենսագործումը օրենսդրական լուծումների տեսքով կհանդիսանա Հաշվեքննիչ պալատի ինստիտուցիոնալ-ռազմավարական փոխակերպումների կարևոր հանգրվան՝ նպաստելով արտաքին պետական հաշվեքննության գործիքակազմի միջոցով հանրային հարստության կառավարման, ինչպես նաև խորհրդարանական վերահսկողության գործառույթի և ներպետական հակակշիռների ու զսպումների համակարգի գործունեության արդյունավետության բարձրացման նախադրյալների ձևավորմանը:
(1) Հայեցակարգը և դրա վերաբերյալ գործընկեր գերատեսչությունների նկատառումները, ինչպես նաև դրանց առնչությամբ Հաշվեքննիչ պալատի արձագանքը ներկայացված են ամփոփաթերթում։
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.