2018 թվականի մայիսի 29-ին Կորեայի Հանրապետության աուդիտի և տեսչական խորհրդի պատվիրակությունը, խորհրդի անդամ Սանգ-Կյու Կիմի գլխավորությամբ, ճանաչողական այցի շրջանակներում հյուրընկալվել էր Հայաստանի Հանրապետության hաշվեքննիչ պալատում:
Հաշվեքննիչ պալատի անունից պատվիրակությանն ընդունեց պալատի անդամ Դավիթ Չիբուխչյանը: Հանդիպման ընթացքում քննարկվեցին փոխադարձ հետաքրքրություն առաջացնող համագործակցության մի շարք հարցեր:
Կողմերը կարևորեցին հաշվեքննության արդյունավետության բարձրացման նպատակով կիրառվող տեղեկատվական տեխնոլոգիաների արդի գործիքակազմը՝ քննարկելով այդ ուղղությամբ հնարավոր համագործակցության շրջանակը:
Կորեայի Հանրապետության աուդիտի և տեսչական խորհրդի պատվիրակությունը մայիսի 30-ին ևս կունենա մի շարք հանդիպումներ հայ գործընկերների հետ փորձի փոխանակման նպատակով:
Նախատեսվում են նաև աշխատանքային հանդիպումներ ՀՀ ազգային ժողովում:
Ծանոթություն. Կորեայի Հանրապետության աուդիտի և տեսչական խորհուրդը հիմնադրվել է 1948 թվականին: Այն ունի 4 տարածաշրջանային մասնաճյուղ, ավելի քան 1,100 աշխատակից: Կորեայի Հանրապետությունում աուդիտի ենթարկվող մարմինների թիվն է մոտ 60,000:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.