2021թ. մարտի 9-ին Գերմանիայի միջազգային համագործակցության ընկերության (GIZ) տեխնիկական աջակցությամբ մեկնարկեցին ՀՀ հաշվեքննիչ պալատի ղեկավար կազմի համար աուդիտորների որակավորման դասընթացները:
Դասընթացներն անցկացվում են Հայաստանի հաշվապահների և աուդիտորների ասոցիացիայի կողմից՝ Հաշվապահների միջազգային դաշնության (IFAC) կրթական ստանդարտներին համապատասխան: Պրոֆեսիոնալ հաշվապահի և աուդիտորի որակավորում շնորհող սույն ծրագիրը ճանաչված և ընդունվեծ է մի շարք միջազգային մասնագիտական հեղինակավոր կառույցների կողմից, ինչպիսիք են Երդվյալ որակավորված հաշվապահների ասոցիացիան (ACCA) և Շոտլանդիայի Երդվյալ հաշվապահների ինստիտուտը (ICAS):
GIZ-ի սույն աջակցությունը կրում է շարունակական բնույթ և միտված է Հաշվեքննիչ պալատի մասնագիտական կարողությունների շարունակական զարգացման ծրագրի արդյունավետ իրականացմանը: Առաջիկայում կանցկացվի դասընթացների ևս մեկ փուլ, որում կընդգրկվեն նաև Հաշվեքննիչ պալատի մասնագիտական պաշտոններ զբաղացնող հաշվեքննողները:
Հաշվեքննողների՝ աուդիտորների որակավորման պահանջը սահմանված է «Հաշվեքննիչ պալատի մասին» ՀՀ օրենքով (Հաշվեքննիչ պալատի անդամների և հաշվեքննություն իրականացնող կառուցվածքային ստորաբաժանման ղեկավարների և ղեկավարների տեղակալների համար աուդիտորի որակավորման պարտադիր պահանջը կգործի 2024 թվականի հունվարի 1-ից):
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.