Դեկտեմբերի 10-12-ը Աղվերանում ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանի նախագահությամբ տեղի է ունեցել «Հաշվեքննիչ պալատի մասին» ՀՀ օրենքում փոփոխությունների վերաբերյալ աշխատաժողով, որը կազմակերպվել է ՀՀ ԱԺ ֆինանսավարկային եւ բյուջետային հարցերի մշտական հանձնաժողովի կողմից:
Աշխատաժողովին մասնակցել են ԱԺ ֆինանսավարկային եւ բյուջետային հարցերի մշտական հանձնաժողովի անդամներ, Հաշվեքննիչ պալատի, Կառավարության, Գլխավոր դատախազության, քննչական կոմիտեի և կենտրոնական բանկի ներկայացուցիչներ:
ՀՀ հաշվեքննիչ պալատից աշխատաժողովին մասնակցում էին Հաշվեքննիչ պալատի անդամ Կարեն Առուստամյանը, Հաշվեքննիչ պալատի նախագահի խորհրդական Դավիթ Չիբուխչյանը, Հաշվեքննիչ պալատի մեթոդաբանության, վերլուծության և միջազգային կապերի վարչության պետ Զորայր Կարապետյանը;
Աշխատաժողովի ընթացքում ՀՊ անդամ Կարեն Առուստամյանը ներկայացրել է զեկույց, որի շրջանակներում ներկայացվել է Հաշվեքննիչ պալատի իրավական բարելավման վերաբերյալ ԵՄ/ՏՀԶԿ համատեղ ՍԻԳՄԱ ծրագրի կողմից մշակված օրենսդրական փաթեթը, որը ներառում է առաջարկություններ ՀՀ սահմանադրության եւ ՀՀ օրենսդրության բարելավման վերաբերյալ:
Հաշվեքննիչ պալատի ներկայացուցիչները անդրադարձել են ՍԻԳՄԱ ծրագրի փաթեթում ներառված առաջարկություններին, որոնք վերաբերում են Հաշվեքննիչ պալատի անկախության և մանդատի ամրապնդմանը՝ ԻՆՏՈՍԱԻ ստանդարտներին և միջազգային լավագույն փորձին համապատասխանելու համար այնպես էլ՝ Հաշվեքննիչ պալատի գործունեության արդյունավետությանը վերաբերող իրավական հարցերին:
Մտքերի փոխանակության փուլում մասնակիցները ներկայացրել են իրենց մոտեցումները առաջարկվող փաթեթի վերաբերյալ:
ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանն առաջարկել է, աշխատաժողովի արդյունքները հաշվի առնելով, փոխադարձ ընդունելի կարգավորումներն ամրագրելու համար շարունակել «Հաշվեքննիչ պալատի մասին» օրենքի բարեփոխումների վերաբերյալ քննարկումները:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.