2023թ. սեպտեմբերի 19-ին տեղի ունեցավ ՀՀ-ում աշխատանքային այցով գտնվող՝ Հյուսիսային Մակեդոնիայի պետական աուդիտի գրասենյակի և պետական եկամուտների կոմիտեի համատեղ պատվիրակության հանդիպումը Հաշվեքննիչ պալատի նախագահ Ատոմ Ջանջուղազյանի և Հաշվեքննիչ պալատի այլ պաշտոնատար անձանց հետ:
Իր ողջույնի խոսքում ՀՊ նախագահն ընդգծեց, որ միջազգային կազմակերպությունների ընձեռած բազմակողմ համագործակցային հնարավորություններին զուգահեռ, առանձնահատուկ կարևորություն ունի նաև բարձրագույն հաշվեքննիչ մարմինների (ԲՀՄ) միջև երկկողմ հարաբերությունների ձևավորումն ու զարգացումը: Պատասխան խոսքում Հս. Մակեդոնիայի պետական աուդիտի գրասենյակի գլխավոր աուդիտոր Մաքսիմ Ացևսկին, շնորհակալություն հայտնելով ՀՊ նախագահին հանդիպման, ինչպես նաև համագործակցության պատրաստակամության համար, առաջարկեց տվյալ հանդիպումը դիտարկել որպես երկկողմ հարաբերությունների ձևավորման մեկնարկ:
Հանդիպման ընթացքում կողմերից յուրաքանչյուրը ներկայացրեց սեփական երկրի ԲՀՄ-ի գործունեության առանձնահատկությունները, տարիների ընթացքում գրանցված հաջողությունները, զարգացման հեռանկարներն ու մարտահրավերները:
Հանդիպման ավարտին կողմերը պատրաստակամություն հայտնեցին շարունակելու քննարկումները՝ փոխադարձ հետաքրքրություն ներկայացնող համագործակցության ուղղությունների վերհանման և փորձի փոխանակման վերաբերյալ:
Հանդիպումը կազմակերպվել էր ՄԱԿ-ի զարգացման ծրագրի (UNDP) «Նոր Հայաստան՝ ժամանակակից խորհրդարան» ծրագրի աջակցությամբ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.