Հաշվեքննիչ պալատում հունիսի 11-ին տեղի ունեցավ խորհրդակցություն, որի ընթացքում քննարկվեց Վերահսկիչ պալատի կատարողականի գնահատման վերաբերյալ հաշվետվության նախագիծը: Հաշվետվությունը կազմվել է Հաշվեքննիչ պալատի մեթոդաբանության, վերլուծության և միջազգային կապերի վարչության կողմից ինքնագնահատման արդյունքների հիման վրա:
Ինքնագնահատումը իրականացվել է Աուդիտի բարձրագույն ինստիտուտների (ԱԲԻ) կատարողականի գնահատման մեթոդաբանության հիման վրա, որը INTOSAI-ի կողմից մշակված նոր ստանդարտ է (SAI PMF) և որը ԱԲԻ-ներին տրամադրում է համակարգ իրենց գործունեության արդյունավետության կամավոր գնահատման համար՝ ԱԲԻ-ների միջազգային ստանդարտների (ISSAI) և հանրային հատվածի արտաքին աուդիտի ոլորտում ընդունված միջազգային լավագույն փորձի համապատասխան: Գնահատման նպատակն է որոշել, թե որ փուլում է գտնվում Հաշվեքննիչ պալատն իր կատարողականի և առաջընթացի առումով:
Խորհրդակության ընթացքում նախ ներկայացվեց Վերահսկիչ պալատի (ՎՊ) 6 հիմնական ոլորտներում կատարողականի գնահատականները, որոնք վերաբերում են ՎՊ իրավական դաշտին, ներքին կառավարմանը, վերահսկողության որակին և հաշվետվություններին, ՎՊ ֆինանսական կառավարումանը, ակտիվներին, ինչպես նաև ՎՊ մարդկային ռեսուրսներին և վերապատրաստումներին, Ազգային ժողովի, ՀՀ կառավարության և այլ շահառուների հետ հարաբերությունների կազմակերպմանը:
Այնուհետև տեղի ունեցան ակտիվ քննարկումներ, որի ընթացքում Հաշվեքննիչ պալատի նախագահ Լ. Յոլյանը նշեց, որ կառույցը ինքը առաջինը պետք է բացահայտի իր թերությունները և գտնի դրանց շտկման ուղիները: Նա նշեց, որ նման գնահատումներ իրականացնելը կնպաստի Հաշվեքննիչ պալատի կարողությունների զարգացման բարելավմանը և գնահատման արդյունքները կօգտագործվեն նաև ՎՊ-ի ռազմավարական պլանի, ինչպես նաև աուդիտների տեխնիկական ձեռնարկների մշակման համար, որոնք կապահովեն ավանդական վերահսկողությունից սահուն անցումը աուդիտին:
Հանդիպման վերջում Լ. Յոլյանը տվեց մի շարք հանձնարարություններ: Մասնավորապես. Հաշվեքննիչ պալատի անդամներին հանձնարարեց ներկայացնել իրենց դիտողությունները Հաշվետվության նախագծի վերաբերյալ, իսկ մեթոդաբանության, վերլուծության և միջազգային կապերի վարչությանը հանձնարարեց գնահատման արդյունքները վերլուծել և գնահատման արդյունքնում բացահայտված թերությունները բաժանել 2 խմբի՝ օրենսդրական և վարչարարական:
Հաշվետվության նախագիծը վերջնական տեսքի բերելուց հետո կուղարկվի Նորվեգիա, INTOSAI Զարգացման նախաձեռնության (IDI)՝ անկախ փորձագետի կողմից վերանայման համար, որից հետո, երբ ինքնագնահատման հաշվետվությունը ստանա IDI-ի կողմից հավաստիացում, այն կներկայացվի հանրությանը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.