2019 թվականի ապրիլի 11-ին ՀՀ հաշվեքննիչ պալատի նախագահ Լ.Յոլյանի նախագահությամբ անցկացվեց Հաշվեքննիչ պալատի հերթական նիստը:
Հաստատվեց Համաշխարհային բանկի աջակցությամբ ՀՀ գյուղատնտեսության զարգացման հիմնադրամի կողմից իրականացվող համայնքների գյուղատնտեսական ռեսուրսների կառավարման և մրցունակության ծրագրով անասնապահական ուղղվածություն ունեցող համայնքների արոտավայրերի ջրարբիացման, ցանցերի կառուցման և դաշտային ճանապարհների անցանելիության ապահովման հաշվեքննության արդյունքները: Ընթացիկ եզրակացությամբ տրվեց «ոչ լիարժեք կարծիք», հաշվի առնելով հաշվեքննության ընթացքում հայտնաբերված էական անհամապատասխանությունները և էականորեն խեղաթյուրված հաշվետվությունները:
Նիստի քննարկումների արդյունքում ՀՀ հաշվեքննիչ պալատի տարեկան ծրագրում հաստատվեց ևս երկու նոր կետ: Շուտով կմեկնարկեն ՀՀ տնտեսական զարգացման և ներդրումների նախարարության հաշվեքննության շրջանակում «Չափագիտության ազգային ինստիտուտ» ՓԲԸ և ՀՀ էներգետիկ ենթակառուցվածքների և բնական պաշարների նախարարությունում Հայաստանի վերականգնվող էներգետիկայի և էներգախնայողության հիմնադրամի ստուգումները:
Միաժամանակ, Պալատը անրադարձավ տարեկան ծրագրով արդեն իսկ նախատեսված հաշվեքննություններին, ընդլայնելով տարեկան ծրագրի շրջանակները, հաստատեցին Գյումրու համայնքապետարանի հաշվեքննության և «Հայաստանի ազգային կինոկենտրոն» ՊՈԱԿ-ում ստուգման առաջադրանքները:
Հավանության արժանացավ Եվրասիական տնտեսական միության անդամ պետությունների բարձրագույն վերահսկողական մարմինների կողմից ներմուծման մաքսատուրքերի գումարները հաշվեգրելու և բաշխելու, անդամ պետությունների բյուջեներ փոխանցելու կարգի ապահովման նկատմամբ 2019 թվականի համատեղ վերահսկողական միջոցառում իրականացնելու վերաբերյալ համաձայնագիրը և միասնական ծրագրի նախագիծը: Ի դեպ, միջոցառման համակարգողի պատվավոր դերն այս տարի ստանձնում է ՀՀ հաշվեքննիչ պալատը:
Պալատի գործունեության արդյունավետությունը բարձրացնելու նպատակով տարեկան գործունեության ծրագրում իրականացվել են մի շարք փոփոխություններ հաշվեքննություն իրականացնող կառուցվածքային ստորաբաժանումների մասով:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.