2017 թվականի սեպտեմբերի 19-ին ք. Երևանում, Ավ. Իսահակյանի տուն-թանգարանում հանդիսավոր կերպով տեղի ունեցավ ՀՀ-ում ԵՄ պատվիրակության համաֆինանսավորմամբ <<Հայաստանում արտաքին աուդիտի համակարգի անկախության, արդյունավետության եւ թափանցիկության հզորացում>> ծրագրի փակման արարողությունը և մեկնարկեց <<Հանրային ֆինանսների կառավարում Հարավային Կովկասում>> 2017-2020թթ. ծրագիրը:
ՀՀ-ում ԵՄ պատվիրակության համաֆինանսավորմամբ նոր ծրագրի մեկնարկը տրվեց ՀՀ Ազգային ժողովի, ՀՀ վերահսկիչ պալատի, ՀՀ ֆինանսների նախարարության, ՀՀ ԿԱ պետական եկամուտների կոմիտեի և Գերմանիայի միջազգային համագործակցության ընկերության (GIZ) միջև կնքված փոխըմբռնման հուշագրի ստորագրումով:
ՀՀ վերահսկիչ պալատի անունից ելույթով հանդես եկավ ՀՀ վերահսկիչ պալատի նախագահի տեղակալ Արա Նռանյանը, ով ամփոփ ներկայացրեց ԵՄ և GIZ-ի գործուն աջակցության շնորհիվ վերջին տարիների նշանակալի ձեռքբերումները: Բանախոսը նշեց, որ Վերահսկիչ պալատ - Եվրոպական միություն - GIZ համագործակցության ընդհանուր նպատակը Հայաստանի արտաքին աուդիտի համակարգի անկախության, արդյունավետության և թափացիկության հզորացումն էր, որի թիրախային արդյունքներն արդեն ապահովվեցին: Հետևաբա, ողջունելի է, որ համագործակցության ձևաչափն կիրառվելու է նաև հանրային ֆինանսների մյուս գործընկերների հետ համատեղ, ինչը միայն վկայում է անցած ուղղու արժեքավոր լինելու փաստը:
Արա Նռանյանն անդրադարձավ նաև Պալատի կարողությունների զարգացմանն ուղղված առաջիկա անելիքներին, որոնք ուղղված կլինեն սահամանադրական փոփոխություններով պայմանավորված մարտահրավերների դիմագրավմանը, մասնավորապես, սահմանադրության փոփոխություններով պայմանավորված իրականացվելիք միջոցառումների հրատապությանը և միջոցառումների հաջող իրագործման համար սահմանափակ ռեսուրսների հաղթահարմանը:
Առաջիկա անելիքներում շեշտվեց նաև Հաշվեքննիչ պալատի ՏՏ կարողությունների զարգացման հարցի հրատապությունը, և, հատկապես, միջազգային հռչակագրերով օրենսդրությամբ սահմանված պարտականությունների պատշաճ կատարման համար բարձրագույն հաշվեքննիչ մարմնին բոլոր անհրաժեշտ փաստաթղթերի և տեղեկատվության ժամանակին, անխափան, ուղիղ և անվճար հասանելիության բավարար լիազորությունների ապահովումը:
Ներկաներն արձանագրեցին, որ նոր հուշագիրը էական խթան կդառնա ՀՀ հանրային ֆինանսների կառավարման համակարգի զարգացման կարևոր գործում:
ԵՄ օժանդակությունը <<Հանրային ֆինանսների կառավարում Հարավային Կովկասում>> 2017-2020թթ. ծրագրին կազմում է 1 մլն եվրո:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.