2018թ. ապրիլի 26-ին ՀՀ հաշվեքննիչ պալատի նախագահ Լեւոն Յոլյանը ՀՀ ԱԺ ֆինանսավարկային եւ բյուջետային հարցերի մշտական հանձնաժողովի նիստին ներկայացրել է ՀՀ վերահսկիչ պալատի 2017 թվականի տարեկան հաշվետվությունը:
Լ. Յոլյանը նշել է, որ վերահսկողության արդյունքներն ամփոփվել են 18 ընթացիկ հաշվետվություններում:
Քրեաիրավական բնույթի խախտումների վերաբերյալ կասկածներ պարունակող թվով 3 արձանագրություն, մասնավորապես,
ՀՀ արդարադատության նախարարության Դատական ակտերի հարկադիր կատարման ծառայության կողմից ՀՀ ոստիկանության <<Ճանապարհային ոստիկանություն>> ծառայության, ՀՀ ֆինանսների նախարարության, ՀՀ կառավարությանն առընթեր պետական եկամուտների կոմիտեի և Երևանի քաղաքապետարանի պահանջով հարուցված կատարողական վարույթների մասով, ՀՀ բնապահպանության նախարարության <<Սևան ազգային պարկ>> ՊՈԱԿ-ի մասով․ ՀՀ գյուղատնտեսության նախարարության կողմից իրականացվող <<Հայաստանի Հանրապետությունում տավարաբուծության զարգացման ծրագրի>> մասով կազմված արձանագրություններն ուղարկվել են ՀՀ գլխավոր դատախազություն։
Լ. Յոլյանը նշել է, որ <<Սևան ազգային պարկ>> ՊՈԱԿ-ի նյութերով հարուցվել է քրեական գործ, իսկ մյուս երկու արձանագրություններն ուսումնասիրման փուլում են։
ՀՀ հաշվեքննիչ պալատի նախագահն ընդգծել է, որ 2018թ. մարտի 30-ին բոլոր հաշվետվությունները ներկայացվել են ՀՀ Ազգային ժողով, դրանց մասին տեղեկացվել են ՀՀ Նախագահն ու ՀՀ կառավարությունը:
2017թ. ընթացքում իրականացված վերահսկողության արդյունքների հիման վրա ներկայացվել է թվով 180 առաջարկություն:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.