2017թ.-ի հոկտեմբերի 2-ից – 6-ը, ՀՀ վերահսկիչ պալատի խորհրդի անդամ Աբրահամ Բախչագուլյանի գլխավորած պատվիրակությունն ուսումնական և աշխատանքային այցով գտնվում էր Ավստրիայում:
Վերահսկիչ պալատի ներկայացուցիչները մասնակցեցին Ավստրիայի միջազգային հակակոռուպցիոն ակադեմիայի (ՄՀԱ) կողմից կազմակերպված Եվրասիական տնտեսական միության անդամ պետությունների ներկայացուցիչների համար նախատեսված հատուկ հակակոռուպցիոն ուսումնական եռօրյա դասընթացին։
ՄՀԱ-ի պրոֆեսորներն ու հակակոռուպցիոն բնագավառի հայտնի փորձագետները մասնակիցներին ներկայացրեցին կոռուպցիայի դեմ պայքարի միջազգային փորձը, կոռուպցիայի դեմ պայքարում առկա ժամանակակից մարտահրավերները և միտումները, կոռուպցիայի դեմ պայքարում պետության և մասնավոր սեկտորի համագործակցությունը, պետական գնումներին, շահերի բախման և կանխարգելման կառավարմանը, ինչպես նաև փողերի լվացման դեմ պայքարին վերաբերող հարցերը:
Միջոցառմանը ներկա են գտնվել տարբեր ԵԱՏՄ երկրներում կոռուպցիայի դեմ պայքարող մարմինների պաշտոնյաներ, միջազգային փորձագետներ, ինչպես նաև միջազգային կազմակերպությունների ներկայացուցիչներ, որոնք ներկայացրել են քննարկվող թեմային առնչվող իրենց երկրների և կազմակերպությունների ձեռքբերումներն ու մարտահրավերները:
Միջոցառման ընթացքում Վերահսկիչ պալատի ներկայացուցիչները ներկաներին ծանոթացրել են Հայաստանում արտաքին պետական աուդիտի բարեփոխումների ներկա ընթացքին և առաջիկա անելիքներին` կարևորելով հակակոռուպցիոն պետական քաղաքականության շրջանակներում Վերահսկիչ պալատի և հանրային մյուս ինստիտուտների և հաստատությունների միջև համագործակցության առանձնահատկությունները:
Դասընթացներից հետո ճանաչողական առանձին այց է կատարվել նաև Վիեննայում գտնվող ՄԱԿ-ի գրասենյակ, որտեղ մասնակիցները ծանոթացել են ՄԱԿ-ի Կոռուպցիայի դեմ կոնվենցիայի կիրարկմանն առնչվող հարցերին և խնդիրներին:
Հոկտեմբերի 6-ին Աբրահամ Բախչագուլյանի ղեկավարած պատվիրակությունը այցելեց նաև Ավստրիայի բարձրագույն աուդիտի մարմին, որտեղ գտնվում է նաև ԻՆՏՕՍԱԻ գլխավոր քարտուղարությունը:
Ավստրիայի բարձրագույն աուդիտի մարմնի գործընկերների և ԻՆՏՕՍԱԻ գլխավոր քարտուղարության ներկայացուցիչների հետ Վերահսկիչ պալատի ներկայացուցիչները քննարկեցին Հայաստանի Վերահսկիչ պալատի կարողությունների զարգացման ծրագրերը և դրանց իրագործման հարցում հնարավոր աջակցության ուղիները:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.