2022 թվականի մարտի 15-ին Ֆինանսավարկային և բյուջետային ու առողջապահության հարցերի մշտական հանձնաժողովների հրավիրած համատեղ նիստում քննարկվել է ՀՀ առողջապահության նախարարությունում 2021թ պետական բյուջեի ինն ամիսների կատարման հաշվեքննության արդյունքների վերաբերյալ ՀՀ հաշվեքննիչ պալատի ընթացիկ եզրակացությունը։
Հաշվեքննության արդյունքները պատգամավորներին համառոտ ներկայացրեց Հաշվեքննիչ պալատի 7-րդ վարչության պետ Խաչիկ Փափազյանը։
ՀՀ առողջապահության նախարարի տեղակալ Արմեն Նազարյանն իր խոսքում նշեց, որ հաշվեքննության արդյունքների վերաբերյալ պետական առողջապահական գործակալության ներկայացրած անհամաձայնություններն ու պարզաբանումները տեխնիկական պատճառներով ժամանակին տեղ չեն հասել, և խնդրեց հանձնաժողովների նախագահներին տվյալ քննարկումը հետաձգել։
Քանի որ Հաշվեքննիչ պալատը ծանոթ չէր Նախարարության դիրքորոշմանը, Ֆինանսավարկային և բյուջետային հարցերի Հանձնաժողովի նախագահ Գևորգ Պապոյանը, առաջարկեց նիստը հետաձգել՝ ժամանակ տրամադրել երկու գերատեսչություններին, քննարկելու արձանագրված անհամապատասխանությունները և դրանց վերաբերյալ երկուստեք մոտեցումները։
Որոշում է կայացվել երկու հանձնաժողովների համատեղ նիստ հրավիրել 2022թ. մարտի 25-ին։
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.