Հաշվեքննիչ պալատի նախագահ Ատոմ Ջանջուղազյանի գլխավորությամբ մայիսի 26-ին տեղի է ունեցել Պալատի արտահերթ նիստը: Մեթոդաբանության, վերլուծության և միջազգային կապերի վարչության պետ Զորայր Կարապետյանը Պալատի գնահատականին է ներկայացրել Հայաստանի Հանրապետության 2021 թվականի պետական բյուջեի կատարման վերաբերյալ Հաշվեքննիչ պալատի եզրակացության և Հայաստանի Հանրապետության Հաշվեքննիչ պալատի 2021 թվականի գործունեության վերաբերյալ տարեկան հաղորդման նախագծերը:
Պետական բյուջեների կատարման վերաբերյալ Հաշվեքննիչ պալատի եզրակացություն ներկայացնելը և դրա առկայությամբ բյուջեի կատարողականի քննարկումը, Հայաստանի Հանրապետության Սահմանադրության և օրենքներով նախատեսված պահանջ է։ Եզրակացությունը արտահայտում է Պալատի կարծիքը, կոնկրետ դեպքում՝ ՀՀ 2021թ. պետական բյուջեի միջոցների կառավարման շրջանակում ֆինանսական փաստաթղթերի վարման պահանջների կատարման և դրա արդյունքում ձևավորված հաշվետվությունների արժանահավատության վերաբերյալ։ 2021թ. Պալատի գործունեության տարեկան հաղորդումը նույնպես Հայաստանի Հանրապետության Սահմանադրության և օրենքների պահանջ է։ Փաստաթուղթը պատրաստվել է՝ առաջնորդվելով ՀՀ գործող օրենսդրությամբ և Աուդիտի բարձրագույն մարմինների միջազգային կազմակերպության (INTOSAI) կիրառելի ստանդարտներով (ISSAI-ներով)։ Վերոնշյալ տարեկան հաղորդումը ամփոփ ներկայացնում է Պալատի 2021 թվականի գործունեությունը։ Այն բաղկացած է երեք մասից և պարունակում ամփոփ տեղեկատվություն հետևյալի մասին՝
1) նախորդ տարում իրականացված պետական բյուջեի երեք, վեց, ինն ամիսների և տարեկան կատարման հաշվեքննության արդյունքների,
2) գործունեության ծրագրի 2-րդ մասում ընդգրկված ծրագրային կետերի՝ ըստ ռիսկերի վրա հիմնված մեթոդաբանությամբ կազմված ուղղություններով հաշվեքննությունների կատարման,
3) նախորդ տարվա ընթացքում գործունեության ծրագրի 3-րդ մասի՝ հաշվեքննիչ պալատում մասնագիտական կարողությունների շարունակական զարգացման, որակի կառավարման համակարգին, անձնակազմի կառավարմանն ու վերապատրաստմանը, միջազգային համագործակցությանը ծրագրերի, ինչպես նաև արտաքին աուդիտորական կազմակերպության կողմից տրված եզրակացության վերաբերյալ:
Քննարկումների արդյունքում Պալատը հաստատել է վերոնշյալ երկու փաստաթղթերը և դրանք սահմանված կարգով հրապարակել ու ներկայացրել ՀՀ ազգային ժողով և ՀՀ կառավարություն:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.