Մայիսի 11-ին Թրանսփարենսի Ինթերնեշնլ հակակոռուպցիոն կենտրոնի կազմակերպած Հակակոռուպցիոն դպրոցի շրջանակներում «Կոռուպցիան և պետական վերահսկողությունը» թեմայով դասախոսությամբ հանդես է եկել ՀՀ Հաշվեքննիչ պալատի մեթոդաբանության, վերլուծության և միջազգային կապերի վարչության պետ Կարեն Առուստամյանը` ներկայացնելով Հաշվեքննիչ պալատի դերն ու գործառույթները կոռուպցիայի դեմ պայքարում, ինչպես նաև Հաշվեքննիչ պալատի բացահայտումները և դրանց հետագա ճակատագիրը: Դասընթացը մեծ հետաքրքրություն առաջացրեց մասնակիցների մոտ Հաշվեքննիչ պալատի գործունեության և առհասարակ Հայաստանի հանրապետությունում վերահսկողական գործարույթներ ունեցող մարմինների նկատմամբ։
Ծրագիրը կազմակերպվել է ԱՄՆ ՄԶԳ աջակցությամբ իրականացվող "պահանջատեր հասարակություն՝ հանուն պատասխանատու կառավարման" ծրագրի շրջանակներում։Հակակոռուպցիոն դպրոցի նպատակն է երիտասարդներին գիտելիքներ տրամադրել կոռուպցիայի, դրա տեսակների, քաղաքական, տնտեսական, սոցիալական ոլորտներում առկա կոռուպցիոն ռիսկերի ու դրանց հետևանքների, աշխարհում և Հայաստանում կոռուպցիայի դեմ պայքարին ուղղված քայլերի մասին: Ավելի քան 100 դիմորդից ընտրվել են 25 մասնակիցներ, որոնք դասախոսություններ կլսեն տարբեր ոլորտների կոռուպցիոն ռիսկերի վերաբերյալ առաջատար մասնագետներից, հետազոտողներից, քաղաքացիական հասարակության ներկայացուցիչներից և պետական պաշտոնյաներից:
Դպրոցի մասնակիցները խոստացան դասընթացների վերջում ստեղծել աշխատանքային թիմ, մշակել և իրականացնել ծրագիր հենց այս թեմայի շրջանակներում, որը էլ ավելի կբարձրացնի պետական վերահսկողական մարմինների գործունեության թափանցիկության մակարդակը և կօգնի նրանց պետական համակարգից կոռուպցիան և բարեվարքությունը արմատախիլ անելու գործընթացում։
Երկուշաբթի, Մայիս 13, 2019
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.