2021 թվականի փետրվարի 23-ին տեղի ունեցավ ԱԺ հաշվեքննության եւ աուդիտի հարցերի ենթահանձնաժողովի նիստը, որի շրջանակներում քննարկվեցին Հաշվեքննիչ պալատի կողմից 2020թ. պետական բյուջեի վեց ամիսների կատարման վերաբերյալ հաշվեքննությունների արդյունքները:
Նիստին մասնակցում էին ԱԺ պատգամավորներ, Հաշվեքննիչ պալատի անդամներ և հաշվեքննողներ, ինչպես նաև ՀՀ էկոնոմիկայի, ՀՀ արտակարգ իրավիճակների, ՀՀ տարածքային կառավարման եւ ենթակառուցվածքների նախարարության ներկայացուցիչներ և այլ փորձագետներ: Նիստը նախագահում էր մասնագիտական ենթահանձնաժողովի նախագահ Եղիշե Սողոմոնյանը:
Նիստի հիմնական զեկուցմամբ հանդես եկավ Հաշվեքննիչ պալատի անդամ Կարեն Առուստամյանը, ով ներկայացրեց ՀՀ հաշվեքննիչ պալատի կողմից մշակված 2020թ. առաջին կիսամյակում ՀՀ պետական բյուջեի կատարման վերաբերյալ հաշվեքննությունների ամփոփ վերլուծական տեղեկագիրը:
Իր զեկույցում, Կարեն Առուստամյանն անդրադարձավ հաշվեքննությունների արդյունքում արձանագրված անհամապատասխանություններին և խեղաթյուրումներին, ինչպես նաև Հաշվեքննիչ պալատի կողմից ներկայացված առաջարկություններին:
Պետական բյուջեի կատարման վերաբերյալ հաշվեքննության առանձնահատկությունների վերաբերյալ ելույթով հանդես եկավ Հաշվեքննիչ պալատի անդամ Դավիթ Չիբուխչյանը:
Հարակից զեկույցներով հանդես եկան նախարարությունների ներկայացուցիչները, որոնք ներկայացրեցին հաշվեքննության ընթացքում Հաշվեքննիչ պալատի կողմից վեր հանված խնդիրների ուղղությամբ տարվող աշխատանքների վերաբերյալ բացատրություններ և պարզաբանումներ:
Զեկույցներին հետևեցին ԱԺ պատգամավորների հարցերը նախարարարության ներկայացուցիչներին և հաշվեքննողներին:
Իր եզրափակիչ ելույթում՝ նիստը նախագահողը կարևորեց հաշվեքննության ընթացիկ եզրակացություններում հայտնաբերված խնդիրների հետագա մշտադիտարկում իրականացնելու եւ արդյունքներն ամփոփելու անհրաժեշտությունը:
Ծանոթություն: Պետական բյուջեի կատարման վերաբերյալ եզրակացությունը կազմվում է հաշվետու տարվա պետական բյուջեի ֆինանսական և համապատասխանության հաշվեքննության միջոցով` օգտագործելով նույն տարվա պետական բյուջեի երեք, վեց և ինն ամիսների կատարման նկատմամբ ֆինանսական և համապատասխանության հաշվեքննությունների ընթացիկ եզրակացությունները («Հաշվեքննիչ պալատի մասին» ՀՀ օրենք, 27-րդ հոդված, 1-ին մաս):
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.