2017 թվականի դեկտեմբերի 8-ին Ազգային ժողովը քվեարկությամբ՝ 91 կողմ, 7 դեմ ձայներով, հաստատեց Վերահսկիչ պալատի 2018 թվականի տարեկան գործունեության ծրագիրը: Խորհրդարանում «Հայաստանի Հանրապետության վերահսկիչ պալատի 2018 թվականի գործունեության տարեկան ծրագիրը հաստատելու մասին» նախագիծը ներկայացրեց Վերահսկիչ պալատի նախագահ Լեւոն Յոլյանը: Ծրագիրը ներկայացնելիս ՎՊ նախագահը նշեց, որ, Սահմանադրության փոփոխության համաձայն, 2018թ. ապրիլից Վերահսկիչ պալատը դառնալու է Հաշվեքննիչ պալատ, ինչը նշանակում է, որ սահմանված ժակետից սկսած տարեկան ծրագրով նախատեսված վերահսկողության թեմաներով կիրականացնի հաշվեքննություն: Վերահսկիչ պալատի նախագահը ընդգծեց նաև, որ Վերահսկիչ պալատի ծրագիրը վերջին անգամ է ներկայացվում ԱԺ, քանի որ նոր Սահմանադրությամբ Հաշվեքննիչ պալատն այսուհետ ինքն է հաստատելու հաշվեքննության թեմաները: Նա նշեց, որ Վերահսկիչ պալատի տարեկան ծրագրի նախագծում Վերահսկիչ պալատի խորհրդի բոլոր անդամների առաջարկությամբ առանձնացված են մի շարք ոլորտներ, որտեղ նախատեսվում է իրականացնել համալիր ուսումնասիրություն՝ ընդգրկելով բոլոր ուղղությունները, ավելացնելով, որ ծրագրի մշակման ժամանակ հաշվի են առնվել ԵԱՏՄ մասին պայմանագրով ստանձնած պարտավորությունները։ Բացի այդ, հաշվի է առնվել նաև Եվրամիության բյուջետային աջակցության համաձայնագրի պահանջը, ըստ որի՝ Վերահսկիչ պալատի կողմից հաջորդ տարի իրականացվելիք ֆինանսական հաշվեքննությունը պետք է ընդգրկի պետական բյուջեի ընդհանուր ծախսերի առնվազն 17.5 տոկոսը: Վերահսկիչ պալատի նախագահն ընդգծեց. «Թեմաներն ընտրելիս նկատի ենք ունեցել նաև վերահսկողության օբյեկտներում վերջին անգամ իրականացված վերահսկողության ժամանակագրությունը, ծավալը, ինչպես նաև ռիսկերը»: Ըստ Վերահսկիչ պալատի նախագահի՝ 2018 թվականին Հաշվեքննիչ պալատը համալիր ուսումնասիրություն կկատարի Աշխատանքի և սոցիալական հարցերի, Էներգետիկ ենթակառուցվածքների և բնական պաշարների, Արտակարգ իրավիճակների, Տնտեսական զարգացման և ներդրումների և Բնապահպանության նախարարություններում, ինչպես նաև Քաղաքացիական ավիացիայի գլխավոր վարչությունում: Լևոն Յոլյանը նշեց, որ համալիր ուսումնասիրությունը հնարավորություն կտա յուրաքանչյուր ոլորտի մասով ստանալու օրինականության և արդյունավետության վերաբերյալ տեղեկատվություն՝ անկախ նրանից, թե ծրագիրն իրականացվել է վարկային միջոցների ու դրամաշնորհների, թե պետական բյուջեի միջոցների հաշվին: Իր ելույթում Վերահսկիչ պալատի նախագահը նաև ասաց, որ ԱԺ-ում քննարկվելու է նաև «Հաշվեքննիչ պալատի մասին» ՀՀ օրենքի նախագիծը, որից հետո պարզ կլինի՝ հաշվեքննության ինչպիսի նոր գործիքներ են կիրառվելու և հաշվեքննության ժամանակ ինչ նպատակներ են հետապնդվելու:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.