Արա Ռուդիկի Նռանյան

Ծնվել է 1973թ. հոկտեմբերի 15-ին Երեւանում: 
1995թ. ավարտել է Երեւանի ժողովրդական տնտեսության ինստիտուտի ֆինանսահաշվային ֆակուլտետի "Հաշվապահական հաշվառում, վերահսկում եւ տնտեսական գործունեության վերլուծություն" բաժինը: Տնտեսագետ: Տնտեսագիտության թեկնածու: 
1990թ. աշխատել է "Սանտեխնիկ" կոոպերատիվում` որպես հաշվետար, 
1993-1994թթ.` Հայկական հեռուստաընկերությունում` երիտասարդական-երաժշտական հաղորդաշարերի համահեղինակ եւ հաղորդավար, 
1993-1995թթ.` "Արա" ՍՊԸ-ում` գլխավոր հաշվապահ, 
1997-2000թթ.` ՀՀ կառավարությանն առընթեր քաղաքացիական ավիացիայի գլխավոր վարչությունում` նախ որպես տարիֆիկացիայի եւ վերլուծության բաժնի 1-ին կարգի մասնագետ, այնուհետեւ սերտիֆիկացման եւ լիցենզավորման բաժնի 1-ին կարգի մասնագետ, ապա թռիչքների անվտանգության տեսչության գլխավոր մասնագետ, 
2000-2001թթ.` ՀՀ պետական գույքի կառավարման նախարարությունում` պետական բաժնեմասի տնօրինման բաժնի պետ, 
2001-2004թթ.` ՀՀ կառավարությանն առընթեր քաղաքացիական ավիացիայի գլխավոր վարչությունում` վերլուծության եւ ռազմավարական ծրագրերի մշակման բաժնի պետ: 
2004թ. շնորհվել է ՀՀ քաղաքացիական ծառայության 2-րդ դասի խորհրդականի դասային աստիճան: 
2004-2007թթ. ՀՅԴ բյուրոյի տնտեսական հարցերով խորհրդական: 
2007-2012թթ. ՀՀ Ազգային ժողովի պատգամավոր է ընտրվել համամասնական ընտրակարգով ՀՅԴ կուսակցությունից:
2014թ. դեկտեմբերի 23-ին Բարձրագույն Եվրասիական տնտեսական խորհրդի որոշմամբ նշանակվել է Եվրասիական տնտեսական հանձնաժողովի Կոլեգիայի անդամ (Նախարար) մինչև 2016 թվականի փետրվարի 1-ը: 
2016թ. մարտի 10-ին նշանակվել է ՀՀ վերահսկիչ պալատի նախագահի տեղակալ` մինչև 2019թ. դեկտեմբերի 13-ը: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
Դասախոսել է Հայաստանի պետական տնտեսագիտական համալսարանում: Հեղինակ է մի շարք գիտական, հրապարակախոսական եւ վերլուծական հոդվածների: 
Ամուսնացած է, ունի երկու երեխա:

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Արա Նռանյանը համակարգում է 4-րդ և 8-րդ վարչությունների աշխատանքները:

Գագիկ Շավարշի Ոսկանյան

Ծնվել է 1950թ. մայիսի 30-ին Սիսիան քաղաքում: 
Ավարտել է Հայկական գյուղատնտեսական ինստիտուտը, ինժեներ-տեխնոլոգ: 
Աշխատել է "Հայէլեկտրալույս" ԱՄ-ի Սիսիանի մասնաճյուղում ինժեներ-կոնստրուկտոր, ապա` ՀԼԿԵՄ Սիսիանի շրջկոմի երկրորդ քարտուղար, Երեւանի պահածոների գործարանում` հերթափոխի պետ, գլխավոր տեխնոլոգ, կուսկոմիտեի քարտուղար, ՀԿԿ ԿԿ գյուղատնտեսության բաժնի հրահանգիչ, "Հայպահածո" ԱՄ-ի գլխավոր ինժեներ, տնօրենի առաջին տեղակալ, Հայաստանի հետ առեւտրի զարգացման ամերիկյան գրասենյակի ներկայացուցիչ: 1999-2002թթ. ԱԺ 2-րդ գումարման պատգամավոր, Ազգային ժողովի ֆինանսավարկային, բյուջետային եւ տնտեսական հարցերի մշտական հանձնաժողովի անդամ, "Միասնություն" խմբակցության քարտուղար: 
2002թ. սեպտեմբերի 11-ին Հայաստանի Հանրապետության Ազգային ժողովի կողմից ընտրվել է Հայաստանի Հանրապետության Ազգային ժողովի վերահսկիչ պալատի նախագահ: 2007թ. նոյեմբերից ՀՀ ՎՊ խորհրդի անդամ է: 2014թ. նոյեմբերից կրկին նշանակվել է ՀՀ ՎՊ խորհրդի անդամ վեց տարի ժամկետով: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
Անկուսակցական է: Ամուսնացած է, ունի մեկ զավակ:

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Գագիկ Ոսկանյանը համակարգում է 9-րդ և իրավաբանական վարչությունների աշխատանքները:

ԳԱԳԻԿ ՍԵՎԱՆԻ ՄԿՐՏՈՒՄՅԱՆ

Ծնվել է 1948 թ. մարտի 14-ին Երեւանում: 
Ավարտել է Երևանի պոլիտեխնիկական ինստիտուտի շինարարական ֆակուլտետը` հիդրոտեխնիկական կառույցների եւ ՀԷԿ-երի ինժեների որակավորմամբ, ապա` Մոսկվայի ղեկավար աշխատողների վերապատրաստման միջգերատեսչական ինստիտուտը: Ինժեներ-հիդրոշինարար է: 
Աշխատել է ԽՍՀՄ էներգետիկայի և էլեկտրաֆիկացման մինիստրությունում, “Արփա-Սևան” կառույցում, թիվ 6 շինարարական տրեստում, որպես գլխավոր ինժեներ, ԽՍՀՄ տրանսպորտային շինարարության մինիստրությունում Իջևան-Հրազդան երկաթգծում, որպես թունելների շինարարության պետ, այնուհետև ՀՍՍՀ ժողովրդական վերահսկողության կոմիտեում, որպես պատասխանատու աշխատող, ապա` ԼՂՀ կառավարության գործերի կառավարչի տեղակալ, “Լինսի” հիմնադրամի “Մշակույթ” ծրագրի հիմնարկի տնօրեն, ավելի ուշ` ՀՀ նախագահի աշխատակազմի գործերի կառավարիչ: 
ՀՀ Նախագահի 2006թ. դեկտեմբերի 29-ի թիվ ՆՀ-268-Ա հրամանագրով շնորհվել է ՀՀ քաղաքացիական ծառայության 2-րդ դասի պետական խորհրդականի դասային աստիճան: 
2007թ. նոյեմբերից ՀՀ ՎՊ խորհրդի անդամ է: 2012թ. նոյեմբերից կրկին նշանակվել է ՀՀ ՎՊ խորհրդի անդամ վեց տարի ժամկետով: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
Անկուսակցական է: Ամուսնացած է, ունի երկու զավակ:

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Գագիկ Մկրտումյանը համակարգում է 2-րդ և մեթոդաբանության, վերլուծության և միջազգային  կապերի վարչությունների աշխատանքները:

Դավիթ Գարուշի Չիբուխչյան

Ծնվել է 1981 թվականին Երևան քաղաքում: 
Ավարտել Եր.ՊՏԻ ընդհանուր տնտեսագիտության ֆակուլտետի "Համաշխարհային էկոնոմիկա" բաժինը, ՀՀ ֆինանսների և էկոնոմիկայի նախարարության Տնտեսագիտական հետազոտությունների ինստիտուտի ասպիրանտուրան և պաշտպանել գիտական թեզ` "Անուղղակի հարկերի դերը անցումային տնտեսություն ունեցող երկրներում" թեմայով, ստացել տնտեսագիտության թեկնածուի գիտական աստիճան: 
Աշխատել է Հայաստանի Հանրապետության ֆինանսների և էկոնոմիկայի նախարարության պետական եկամուտների քաղաքականության վարչության հարկերի մեթոդաբանության բաժնում, որպես առաջատար մասնագետ, գլխավոր մասնագետ, իսկ 2005թ.` բաժնի պետ: 
2007թ. դեկտեմբերից` ՀՀ վերահսկիչ պալատի պետական բյուջեի վերահսկողության վարչության մուտքերի վերահսկողության բաժնի պետ, 2008թ. հուլիսից` երկրորդ վարչության պետ: 
2015 թվականի նոյեմբերի 19-ին նշանակվել է ՀՀ ՎՊ խորհրդի անդամ 6 տարի ժամկետով: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
Անկուսակցական է: 
2012թ. սեպտեմբերի 27-ին պարգևատրվել է ՀՀ Նախագահի շնորհակալագրով: 
Ամուսնացած է, ունի երեք որդի:

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Դավիթ Չիբուխչյանը համակարգում է 1-ին և 6-րդ վարչությունների աշխատանքները:

Աբրամ Արամի Բախչագուլյան

Ծնվել է 1977թ. սեպտեմբերի 22-ին Կիրովաբադ քաղաքում: 
2000թ. գերազանցությամբ ավարտել է Երեւանի պետական տնտեսագիտական ինստիտուտի կառավարման ֆակուլտետի "Կառավարում" բաժինը՝ ստանալով տնտեսագետ-մենեջերի որակավորում: 
2003 թ. ավարտել է Երեւանի պետական տնտեսագիտական ինստիտուտի ասպիրանտուրան և պաշտպանել "Արժեթղթերի շուկայի վերլուծությունը վիճակագրական գործիքների կիրառմամբ" թեմայով թեկնածուական ատենախոսությունը՝ ստանալով տնտեսագիտության թեկնածուի գիտական աստիճան: 
2000-2001թթ. աշխատել է "Մելլաթ Բանկ" Դ/Բ ՓԲԸ-ում որպես դիլինգային գործառնությունների մասնագետ 
2003 – 2005թթ.՝ ՀՀ վարչապետի օգնական 
2003-2004թթ.՝ ՀՀ տնտեսական բարեփոխումների գիտահետազոտական ինստիտուտ, գիտաշխատող 
2005- 2007թթ.՝ Կենտրոնական ընտրական հանձնաժողովի նախագահի տեղակալ 
2007 – 2011թթ.՝ Կենտրոնական ընտրական հանձնաժողովի քարտուղար 
2011- 2014թթ. ՝ ՀՀ ԳՆ սննդամթերքի անվտանգության պետական ծառայության պետ 
2017 թ. մայիսի 5-ին նշանակվել է ՀՀ վերահսկիչ պալատի խորհրդի անդամ՝ մինչև 2022 թ. նոյոմբերի 14-ը: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
2004 թվականից Հայաստանի պետական տնտեսագիտական ինստիտուտի կառավարման ամբիոնի դասախոս է: 
2006 թվականից՝ Հայաստանի պետական տնտեսագիտական համալսարանի խորհրդի անդամ: 
Հեղինակ է մի շարք գիտական հոդվածների: 
Պարգևատրվել է ՀՀ վարչապետի հուշամեդալով, Երևանի քաղաքապետի ոսկե մեդալով, Երևանի պետական տնտեսագիտական ինստիտուտի ոսկե մեդալով: 
Ամուսնացած է, ունի երկու երեխա:

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Աբրամ Բախչագուլյանը համակարգում է 10-րդ և 7-րդ վարչությունների աշխատանքները:

ԱՐՄԵՆ ՍՈՍԻ ԳԵՎՈՐԳՅԱՆ

Ծնվել է 1968 թվականի փետրվարի 17-ին, ՀՀ Արարատի մարզի Մասիս գյուղում: 
1991 թվականին ավարտել է Երևանի Պոլիտեխնիկական ինստիտուտի ԷՀԱ-ի կոնստրուկտավորում և արտադրություն ֆակուլտետը՝ ստանալով ինժեներ-կոնստրուկտոր տեխնոլոգի որակավորում: 
2014 թվականին ավարտել է Եվրոպական կրթական տարածաշրջանային ակադեմիայի իրավագիտության ֆակուլտետը՝ ստանալով իրավագիտության բակալավրի որակավորում: 
Աշխատանքային փորձը՝ 
02.07.1986-01.09.1986թթ. -ՇՄՇ-16 տրեստ <<Գյուղշին>> N5 երրորդ կարգի բետոնագործ 
08.10.1991-01.05.1993թթ. -<<Արմինտերտուր>> ՍՊԸ կադրերի բաժնի վարիչ 
01.05.1993-01.07.1995թթ. -<<Արմինտերտուր>> ՍՊԸ տնօրենի տեղակալ 
01.09.1995-01.03.1999թթ. -Երևանի Արաբկիր համայնքի թիվ 3 մշակույթի տուն շախմատի խմբակի մարզիչ 
10.03.1999-03.07.2000թթ. -ՀՀ վիճակագրության,պետական ռեգիստրի և վերլուծության նախարարության պետական ռեգիստրի Շենգավիթի տարածքային բաժնի պետ 
04.07.2000-01.08.2000թթ. -ՀՀ արդարադատության նախարարության պետական ռեգիստրի Շենգավիթի տարածքային բաժնի պետ 
01.08.2000-13.01.2003թթ. - ՀՀ արդարադատության նախարարության պետական ռեգիստրի Մյասնիկյանի տարածքային բաժնի պետ 
13.01.2003-17.01.2003թթ. - ՀՀ արդարադատության նախարարության պետական ռեգիստրի գործակալության Նորք-Մարաշի տարածքային բաժնի պետ 
17.01.2003-12.06.2008թթ. - ՀՀ արդարադատության նախարարության աշխատակազմի պետական ռեգիստրի գործակալության Նորք-Մարաշի տարածքային բաժնի պետ 
12.06.2008-02.07.2014թթ. - ՀՀ արդարադատության նախարարության աշխատակազմի պետական ռեգիստրի գործակալության պետ 
11.07.2014-14.05.2015թթ. -ՀՀ արդարադատության նախարարության աշխատակազմի ղեկավարի պաշտոնակատար 
14.05.2015-04.07.2017թթ. -ՀՀ արդարադատության նախարարության աշխատակազմի ղեկավար 
04.07.2017-01.09.2017թթ. - ՀՀ արդարադատության նախարարության աշխատակազմի ղեկավարի տեղակալի պաշտոնակատար 
01.09.2017թ. – 28.11.2017թթ. - ՀՀ արդարադատության նախարարության աշխատակազմի ղեկավարի տեղակալ: 
Հայաստանի Հանրապետության Նախագահի 2017 թվականի նոյեմբերի 29-ի թիվ ՆՀ-906-Ա հրամանագրով նշանակվել է Հայաստանի Հանրապետության վերահսկիչ պալատի խորհրդի անդամ վեց տարի պաշտոնավարման ժամկետով: Օրենքի ուժով 2018թ. ապրիլի 9-ից ՀՀ hաշվեքննիչ պալատի անդամ է:
ՀՀ Նախագահի 2012 թվականի դեկտեմբերի 28-ի հրամանագրով շնորհվել է ՀՀ քաղաքացիական ծառայության 2-րդ դասի պետական խորհրդականի դասային աստիճան: 
ՀՀ արդարադատության նախարարի 2017 թվականի նոյեմբերի 28-ի հրամանով պարգևատրվել է ՀՀ արդարադատության նախարարության <<Շահամիր Շահամիրյանի>> անվան ոսկե հուշամեդալով: 
Զինապարտ է: 
Ամուսնացած, ունի երկու երեխա:

 

ՀՀ Հաշվեքննիչ պալատի կառուցվածքային ստորաբաժանումների աշխատանքների համակարգումը.

Արմեն Գևորգյանը համակարգում է 5-րդ վարչության աշխատանքները: