2018թ. սեպտեմբերի 18-ին ՀՀ հաշվեքննիչ պալատի նախագահ Լևոն Յոլյանի և ԱՄՆ միջազգային զարգացման գործակալության (ԱՄՆ ՄԶԳ-USAID) առաքելության ղեկավար Դեբորա Գրիսերի մասնակցությամբ մեկնարկեց ՀՀ հաշվեքննիչ պալատի մասնագետների համար IDEA վերլուծական ծրագրային փաթեթի դասընթացը, որը կվարի IDEA Caseware ընկերության խորհրդատուն:
USAID առաքելության ղեկավար Դեբորա Գրիսերը, ողջունելով ՀՀ հաշվեքննիչ պալատի վերլուծական կարողությունների բարելավման գործընթացը, վերահաստատեց USAID առաքելության պատրաստակամությունը աջակցելու 2018թ. մայիսին կնքված փոխըմբռնման հուշագրի ոգուն համահունչ Հաշվեքննիչ պալատի ներկայիս բարեփոխումներին: ՀՀ հաշվեքննիչ պալատի նախագահ Լևոն Յոլյանը շնորհակալություն հայտնեց USAID առաքելությանը արդյունավետ համագործակցության համար և հույս հայտնեց, որ նորագույն վերլուծական գործիքները թույլ կտան Հաշվեքննիչ պալատին իրականացնելու INTOSAI ստանդարտներին համահունչ հաշվեքննություններ և կնպաստեն հանրային միջոցների օգտագործման թափանցիկության և արդյունավետության բարձրացմանը:
Հաշվեքննիչ պալատի վերլուծական կարողությունների զարգացման նպատակով USAID-ն պալատին է տրամադրել նաև թվով 10 դյուրակիր համակարգիչ և IDEA վերլուծական ծրագրային փաթեթի թվով 10 լիցենզիա:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.