2021թ. հոկտեմբերի 10-15-ը Արաբական Միացյալ Էմիրությունների բարձրագույն հաշվեքննիչ մարմնի ղեկավար, ՄԱԿ-ի հակակոռուպցիոն կոնվենցիայի երկրների խորհրդի նախագահ դոկտոր Հարիբ Ալ Ամիմիի գլխավորած պատվիրակությունը պաշտոնական այցով գտնվում է Երևանում:
Այցի շրջանակներում 2021թ. հոկտեմբերի 12-ին ՀՀ հաշվեքննիչ պալատում տեղի ունեցավ ՀՀ հաշվեքննիչ պալատի նախագահ Լևոն Յոլյանի և ԱՄԷ բարձրագույն հաշվեքննիչ մարմնի ղեկավար դոկտոր Հարիբ Ալ Ամիմիի գլխավորած պատվիրակության հանդիպումը:
Հանդիպման ընթացքում կողմերը երկուստեք գոհունակություն հայտնեցին դեռևս 2013 թվականի մայիսի 8-ին կնքված համագործակցության հուշագրի ներքո ձևավորված երկկողմ հարաբերությունների բարձր մակարդակի վերաբերյալ:
Լ. Յոլյանն իր խոսքում նշեց, որ առկա են լայն հնարավորություններ էլ ավելի ընդլայնելու երկկողմ համագործակցության շրջանակը և գտնելու համատեղ ծրագրերի նոր ուղիներ՝ զարգացնելով համագործակցության հուշագրի ներուժը և ոգին:
Դոկտոր Հարիբ Ալ Ամիմին, իր հերթին, հաստատեց համագործակցության ընլայնման առաջարկը՝ նշելով, որ ԱՄԷ կողմը ցանկանում է ընդգրկուն օրակարգով համագործակցել ՀՀ հաշվեքննիչ պալատի հետ:
Հանդիպման ընթացքում ԱՄԷ բարձրագույն հաշվեքննիչ մարմնի ղեկավարը հրավիրեց պարոն Յոլյանին մասնակցելու Դուբայում կայացող Դուբայ Էքսպո 2020 միջոցառումներին, ինչպես նաև տեղում ծանոթանալու ԱՄԷ բարձրագույն հաշվեքննիչ մարմնի վերջին զարգացումներին:
Կողմերը խոսեցին նաև աուդիտի բարձրագույն մարմինների առջև ծառացած նոր մարտահրավերների մասին, կիսվեցին իրենց մտքերով ԿՈՎԻԴ-19 համավարակի պայմաններում հաշվեքննությունների և համավարակի դիմակայման նպատակով ծախսված միջոցների նկատմամբ հաշվեքննությունների վերաբերյալ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.