ՀՀ հաշվեքննիչ պալատի նախագահ Ատոմ Ջանջուղազյանը մայիսի 23-ի ԱԺ հերթական նիստում ներկայացրեց Հաշվեքննիչ պալատի 2022 թվականի գործունեության վերաբերյալ տարեկան հաղորդումը:
Հաշվեքննիչ պալատի նախագահն իր զեկույցում նշեց, որ հաշվետու տարում Հաշվեքննիչ պալատն ապահովել է իր գործունեության կատարումը, որը համահունչ է եղել արտաքին պետական հաշվեքննության գործառույթի առաքելությանը, այն է՝ նպաստել հանրային ունեցվածքի կառավարումը բարելավվելուն:
Միաժամանակ, Ատոմ Ջանջուղազյանը տեղեկացրեց, որ տարեկան հաղորդման մաս կազմող ՀՀ 2021 թվականի պետական բյուջեի կատարողականի հաշվեքննությունների շրջանակներում իրականացվել է 72 հաշվեքննություն թվով 18 պետական մարմիններում՝ ապահովելով պետական բյուջեի ծախսային մասի շուրջ 91,1 տոկոսի հաշվեքննության ծածկույթ:
Միաժամանակ, հաշվետու տարում Հաշվեքննիչ պալատի գործնեության ծրագրի երեք մասերով իրականացվել է 54 հաշվեքննություն. առաջին մասով իրականացվել է 40 հաշվեքննություն՝ 10 պետական մարմիններում, երկրորդ մասի ՝ ռիսկերի վրա հիմնված մեթոդաբանությամբ ընտրված ծրագրային կետերի շրջանակներում՝ 11 հաշվեքննություն, իսկ միջազգային պայմանագրերով շրջանակներում ևս 3 հաշվեքննություն:
Ատոմ Ջանջուղազյանի խոսքով հաշվեքննությունների արդյունքում ձեւավորված ընթացիկ եզրակացությունները սահմանված կարգով հրապարակվել են բոլոր այն դեպքերում, երբ չեն պարունակել օրենքով սահմանված գաղտնիք:
Հիմնական զեկուցողը տեղեկացրեց նաև, որ գործունեության ծրագրի առաջին մասով իրականացվող ծրագրային կետերը ֆինանսական և համապատասխանության հաշվեքննություններ են, իսկ երկրորդ մասի հաշվեքննություններից 2-ը՝ ֆինանսական եւ համապատասխանության հաշվեքննություններ, 3-ը՝ միայն համապատասխանության, 5-ը՝ կատարողականի:
Ատոմ Ջանջուղազյանը նշել է, որ 2022 թվականին Հաշվեքննիչ պալատը ֆինանսական և համապատասխանության հաշվեքննությունների շրջանակներում տրամադրել է 4 դրական եւ 1 ոչ լիարժեք եզրահանգում։
Հաշվեքննությունների արդյունքում 13 գերատեսչությունում արձանագրվել է 138 անհամապատասխանություն, 6 գերատեսչությունում՝ 26 խեղաթյուրում:
Հաշվեքննիչ պալատի նախագահը նշել է, որ հաշվեքննություններով տրամադրվել են թվով 66 առաջարկություններ, որոնք նպատակ են ունեցել նպաստել հանրային ֆինանսների եւ հանրային սեփականության կառավարումը բարելավելուն:
Հաշվեքննիչ պալատի նախագահը նաև անդրադարձ է կատարել նիստերի և ընդունված որոշումների վիճակագրությանը, ինչպես նաև Հաշվեքննիչ պալատի 2020-2023 թվականների ռազմավարական ծրագրի շրջանակում ձեւակերպված նպատակների՝ 2022 թվականի համար նախատեսված միջոցառումների իրականացման ընթացքին, համաձայն որի՝ հաշվետու ժամանակահատվածում պլանավորված 10 միջոցառումներից 8-ն ամբողջությամբ իրականացվել է, 2-ը նախատեսվում է ավարտին հասցնել 2023 թվականին:
Ատոմ Ջանջուղազյանը տեղեկացրել է, որ 2022 թվականին Հաշվեքննիչ պալատը նախագծել է իրավական դաշտի բարելավմանը միտված օրենսդրական նախագծերի փաթեթը եւ այն դրել է շրջանառության մեջ:
Անդրադառնալով իրավապահ մարմինների հետ համագործակցությանը՝ Ատոմ Ջանջուղազյանը նշել է, որ հաշվետու տարում հաշվեքննության նյութերով 6 առանձին ուղղություններով քրեական վարույթ է նախաձեռնվել իրավապահ մարմինների կողմից: Նա տեղեկացրել է, որ ըստ առաջնահերթությունների՝ համատեղ նիստերով մշտական հանձնաժողովների հետ կազմակերպվել են տարբեր քննարկումներ, որտեղ մանրամասն ներկայացվել են հաշվեքննությունների արդյունքները:
Հաշվեքննիչ պալատի 2022թ․ գործունեության վերաբերյալ տարեկան հաղորդմանը կարող եք ծանոթանալ հետևյալ հղմամբ:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.