2018թ. մայիսի 15-ին Հաշվեքննիչ պալատի նախագահ Լևոն Յոլյանն ընդունեց Գերմանիայի միջազգային համագործակցության ընկերության (GIZ) «Հանրային ֆինանսների կառավարումը Հարավային Կովկասում» ծրագրի նորանշանակ ղեկավար Յենս Պետերսեն-Թումսերին:
Հանդիպման ընթացքում քննարկվեցին Հաշվեքննիչ պալատի և GIZ-ի ընթացիկ համատեղ ծրագրերը: Անդրադարձ եղավ հատկապես Հաշվեքննիչ պալատի ՏՏ կարողությունների ուժեղացմանն ուղղված հարցերին:
Հանդիպման ընթացքում Լևոն Յոլյանը նշեց, որ նոր օրենքը պալատին վերապահել է իրավունք, ըստ որի, հանրային հատվածում հաշվեքննության առարկային վերաբերող էլեկտրոնային շտեմարանները պետք է հասանելի լինեն:
Պալատի նախագահն ընդգծեց, որ էլեկտրոնային շտեմարանների հասանելիությունը խնդրի միայն մի կողմն է, քանի որ պալատի ներսում անհրաժեշտ են նաև այնպիսի տեղեկատվավերլուծական գործիքներ, որոնք կհամապատասխանեն հաշվեքննության նպատակներին և առանձնահատկություններին:
Լևոն Յոլյանը հույս հայտնեց, որ նշված երկու ուղղություններով ձեռք բերված պայմանավորվածությունները կընթանան անհրաժեշտ հունով:
Հաշվեքննիչ պալատի նախագահը տեղեկացրեց, որ պալատն արդեն ունի ՏՏ գործիքները հաշվեքննության ընթացքում արդյունավետ կիրառել որոշակի փորձ` օրինակ բերելով 2017թ.-ին ՀՀ ԱՆ ԴԱՀԿ ծառայությունում իրականացված վերահսկողության արդյունքները:
Կողմերն անդրադարձան նաև համատեղ ծրագրերի մյուս ուղղություններին: Լևոն Յոլյանն իր գոհունակությունը հայտնեց ՀՀ աշխատակիցների համար պետական գանձապետական համակարգում գործող ավտոմատացված ծրագրերի կիրառմանն ուղղված վերապատրաստմանը և միջազգային հարթակներում ՀՀ հաշվեքննիչ պալատի մասնակցությանը շարունակաբար աջակցելու համար:
Ծրագրի ղեկավար Յենս Պետերսեն-Թումսերը շնորհակալություն հայտնեց արդեն կատարված համատեղ աշխատանքի համար և վերահաստատեց Հաշվեքննիչ պալատի` վերահսկողությունից հաշվեքննությանը սահուն անցմանն օժանդակելու GIZ-ի պատրաստակամությունը:
Ծանոթություն.
«Հանրային ֆինանսների կառավարում Հարավային Կովկասում» ծրագրի շրջանակներում ԵՄ պատվիրակությունը և GIZ-ը համատեղ աջակցում են Հաշվեքննիչ պալատի կարողությունների զարգացմանը: Դեռևս 2017թ.-ին կողմերը հաստատել էին վերահսկողությունից հաշվեքննությանը սահուն անցման միջոցառումների ճանապարհային քարտեզը:
Հեղինակ
cocadmin
Lorem ipsum dolor sit amet, consectetur adipiscing elit. Nam viverra euismod odio, gravida pellentesque urna varius vitae. Sed dui lorem, adipiscing in adipiscing et, interdum nec metus. Mauris ultricies, justo eu convallis placerat, felis enim ornare nisi, vitae mattis nulla ante id dui.